web counter
LEXO PA REKLAMA!

SHKARKO APP

App Store
Google Play

E fundit!

x

Urdhëroi vrasjen me gurë të homoseksualëve/I gjithë Instagrami po bën thirrje për bojkot

4 Prill 2019, 12:40, Lifestyle CNA

Brunei po paraqet disa ligje të reja islame që janë shumë strikte dhe çnjerëzore në lidhje me të drejtat e komunitetit LGBT.

Çdo person që kryen marrëdhënie homoseksuale do të gjuhet me gurë deri në vdekje.

Masat e reja, që hyjnë në fuqi të mërkurën, gjithashtu mbulojnë një sërë krimesh të tjera, përfshirë vjedhjen, e cila do të dënohet me anë të amputimit (prerjes së gjymtyrëve).

Këto masa nuk janë pritur aspak mirë nga komuniteti homoseksual i Bruneit, i cili është shprehur i tronditur dhe i frikësuar nga këto ?ndëshkime mesjetare?.

Homoseksualiteti ka qenë i paligjshëm në Brunei dhe i dënueshëm deri në 10 vjet burg.

Myslimanët përbëjnë rreth dy të tretat e popullsisë së vendit deri në 420,000. Brunei ka ruajtur dënimin me vdekje, por nuk ka kryer ekzekutime që nga viti 1957.

Ligji kryesisht zbatohet për myslimanët, përfshirë fëmijët që kanë arritur pubertetin, edhe pse disa aspekte do të zbatohen edhe për jo-myslimanët.

Njerëzit që përkrahin të drejtat e LGBT-së kanë nisur një fushatë të gjerë në rrjetet sociale për të bojkotuar disa nga hotelet më të njohur në mbarë botën, që janë në pronësi të Sulltanit të Bruneit.

Aktori George Clooney, këngëtari Sam Smith apo dhe moderatorja Ellen Degeneres, kanë bërë postimin e listës së hoteleve në Instagram, ku bëjnë thirrje të bojkotohen.

Burimi: BBC





Lajmet e fundit nga