web counter
LEXO PA REKLAMA!

SHKARKO APP

App Store
Google Play

E fundit!

x

 “Pse po pije kafe”/ Dhunohet barbarisht çifti në sy të fëmijëve të mitur

2 Prill 2019, 14:09, Aktualitet CNA

Dy bashkëshortë janë dhunuar barbarisht në banesën e tyre.

Ngjarja ka ndodhur në fshatin Gjeroven në Velabisht  të rrethit të Beratit, në sy të dy fëmijëve të mitur 3 dhe 4 vjeç.

Kryefamiljari Festim Selika ka pirë një kafe në fshat me nipin e tij, me të cilin 3 personat që i dhunuan kishin një konflikt.

Kjo kafe ka qenë edhe arsyeja e sherrit, ku tre persona, njëri prej tyre bashkëfshatar i familjes, i kanë kërkuar llogari Festim Selikës se pse ka pirë kafe me personin  që ata ishin në konflikt.

Më pas ata e kanë gjëlluar kryefamiljarin disa herë në kokë duke e lënë pa ndjenja. Pastaj ka ndërhyrë edhe gruaja e tij, Elida Selika, të cilën e kanë goditur edhe atë me gur në kokë dhe e kanë qëlluar me shkelma dhe grushta duke e përplasur për muri, në prani të fëmijëve të mitur.

Menjëherë pastaj Elida ka njoftuar policinë dhe janë dërguar me urgjencë në Spitalin Rajonal të Beratit.

Sipas informacioneve gruaja ka marrë 3 çarje të thella në kokë dhe plagë të shumta në trup, ndërsa bashkëshorti i saj është jashtë rrezikut për jetën.

Çifti Selika ka kërkuar nga shteti që të arrestohen përgjegjësit, pasi ata janë akoma të lirë dhe ndihen të kërcënuar m e jetë.

Sipas policisë së Beratit, njëri nga dhunuesit 20 vjeçari Kristjan Berberi është arrestuar, ndërsa dy të tjerët po procedohen në gjendje të lirë. /CNA.al

 

 





Lajmet e fundit nga