E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Tentuan grabitjen e një karburanti/ Arrestohet një person, në kërkim dy të tjerë

31 Mars 2019, 08:40, Aktualitet CNA

Grabitja e një karburanti ka qenë objektivi i tre shtetasve këtë mëngjes në qytetin e Durrësit.

Ndërhyrja e menjëhershme e Policisë ka parandaluar këtë grabitje me armë.

Policia ka arrestuar në flagrancë një person dhe ka shpallur në kërkim dy të tjerë.

Mësohet se në prang aka rënë shtetasi me inicialet J.M 26 vjeç nga fshati Xhafzotaj.

Në kërkim janë shpallur shtetasit me iniciale Xh.M 22 vjeç nga Delvina si dhe A.C 21 vjeç banues në Tiranë.

Policia ka sekuesruar një armë zjarri lloji automatik si dhe një karikator me 22 fishekë si dhe tre maska, aparatë celularë dhe doreza.

Njoftimi i Policisë:

Finalizohet operacioni i koduar “Ndjekja”.

Arrestohet në flagrancë një shtetas dhe shpallen në kërkim dy të tjerë.

Seksioni i Hetimit të Krimeve në Komisariatin e Policisë Durrës , në bashkëpunim me shërbimet e Policisë së Rendit , në bazë të informacioneve policore të siguruara në rrugë operative se këta shtetas kishin planifikuar grabitjen me armë të një pike karburanti, kanë organizuar punë dhe si rezultat i përdorimit të metodave speciale të hetimit ka finalizuar me sukses operacionin e koduar “Ndjekja “.

Gjatë operacionit u bë e mundur kapja dhe arrestimi në flagrancë i autorit kryesor të dyshuar, shtetasit J.M., 26 vjeç, banues në Xhafzotaj, të cilit në momentin e arrestimit policia i gjeti dhe sekuestroi në cilësinë e provës materiale një armë zjarri automatike Kallashnikov model 56, një karikator me 22 fishekë, tre maska, tre palë doreza, tre aparatë celularë dhe një thikë , sende këto që do përdoreshin për të realizuar vjedhjen me armë të karburantit .

Gjithashtu u shpallen në kërkim shtetasit Xh.M.,22 vjeç, banues në Delvinë dhe A.C., 21 vjeç, banues në Tiranë, pasi në bashkëpunim me njëri -tjetrin dhe shtetasin e arrestuar në flagrancë më datë 30.03.2019 gjatë natës kishin planifikuar grabitjen e një pike karburanti në qytetin e Durrësit.

Vazhdon puna intensive për kapjen e dy autorëve të tjerë si dhe për të bërë të mundur dokumentimin e plotë ligjor të aktivitetit kriminal të këtyre shtetasve.

Materialet i kaluan Prokurorisë pranë Gjykatës së Shkallës së Parë Durrës në ngarkim të shtetasve të mesipërm për veprat penale “Vjedhje me armë e kryer në bashkëpunim e mbetur në tentativë” dhe “Mbajtja pa leje e armëve luftarake” , parashikuar në nenet 140,25,22 dhe 278/1 të Kodit Penal./CNA.al