web counter
LEXO PA REKLAMA!

SHKARKO APP

App Store
Google Play

George Clooney për Meghan Markle dhe princin Harry: “Trajtimi që i bëhet nga media është i padrejtë”

19 Mars 2019, 10:25, Lifestyle CNA

Ai është një mik shumë i mirë i çifti mbretëror dhe ishte një nga të ftuarit vip në dasmën e Meghan dhe Harry vitin që kaloi, besoj se e kujtoni që fustani i Amal Clooney në ceremoni mori më shumë vëmendje se vetë nusja.

Gjithsesi, meqë mundësitë që ta pyesni vetë George Clooney-n nuk janë të shumta, le të shikojmë çfarë ka thënë ai në intervistën e fundit në ?Good Morning Britain?, pikërisht për Princin Harry dhe partneren e tij.

Sipas aktorit, mbulimi që i bëhet çiftit të monarkëve nga mediat dhe gazetarët është shumë i padrejtë dhe i kalon caqet e sjelljes normale, megjithatë kjo gjë duket se nuk i shqetëson shumë ata. ?Shumicën e kohës është e padrejtë?E kam parë kur mediat i janë kthyer kundër për shkak të disa arsyeve komplet qesharake dhe më është dukur pa sens pasi Meghan nuk ka bërë asgjë, thejsht ka jetuar jetën e saj. Ajo është një vajzë e re vërtetë e sjellshme dhe e zgjuar, dhe së bashku me Harry-n formojnë një çift shumë të bukur. Ju ndoshta nuk e vini re, por trajtimi që i bëhet atyre është shumë i padrejtë- thotë protagonist i filmit ?Money Monster?, i cili më pas shtoi-? Ajo ka qenë një aktore shumë kohë përpara se të bëhej dukeshë dhe ka qenë në vëmendjen e publikut dhe më parë. Meghan di si ta përballojë median, kështu që mendoj se po ja del mirë. Ajo nuk ankohet, madje i përballon të gjitha me guxim. Ata të dy janë një çift shumë i mirë, janë të sjellshëm dhe mund të bësh shumë qef nën shoqërinë e tyre. ?

Kujtojmë se kjo nuk është hera e parë që George flet për Meghan dhe Harry-n, pasi para pak kohësh tha se publiku britanik duhet të kishte nxjerr mësim nga trajtimi që i bën Diana-s dhe ta mirëpresin Meghan si pjesë të familjes mbretëore.





Lajmet e fundit nga