web counter
LEXO PA REKLAMA!

SHKARKO APP

App Store
Google Play

“Vendi ishte përmbytur në ujë"/Orinda Huta tregon të papriturat në dasmën e saj

17 Mars 2019, 10:53, Lifestyle CNA

Moderatorja Orinda Huta e cila është e martuar me Turjan Hyskon, mbrëmjen e kaluar ishte e ftuar në emisionin ?Mos i fol shoferit? prej ku rrëfeu prapaskenat e ditës së saj të dasmës.

Teksa Orinda dhe Turi kishin vendosur që dasmën ta organizonin në natyrë,  moti me surprizat e tij ua kishte prishur paksa ditën e shënuar.

Pavarësisht se dasma u bë në muajin korrik, atë ditë kishte rënë shi i madh paradite dhe të afërmit në mënyrë që ta qetësonin Orindën e kishin gënjyer duke i thënë se në vendin ku do zhvillohej eventi nuk po binte shi.

Ndërsa e vërteta ishte tërësisht ndryshe. Vendi ishte përmbytur dhe uji ishte hequr me pompë.

Mirëpo, fatmirësisht në momentin kur bukuroshja ishte paraqitur atje, dielli kishte dalë sërish dhe ceremonia kishte dalë siç ata e kishin ëndërruar.

?Kur jam zgjuar në mëngjes, kam qenë vetëm me motrën time në shtëpi dhe ishte vranët. Filloi të binte shi me gjyma. Të gjithë thonin që nuk bie shi këtu tek ne, domethënë tek eventi. Dhe unë që thoja, vetëm nëse këtu tek unë ka shi e te të gjithë ju të tjerët nuk ka. Ashtu thonin, vetëm tek ty ka shi, më bënin dhe për budalle. I thoja, realisht kam emocione, por mos më bëni budalle se e di që ka shi. Merrja Klevisin, shokun tim që shkonte tek vendi e thoshte nuk ka shi. Atje ishte përmbytur, kishin ardhur ta hiqnin me pompë. Shtruan qese dhe në fund e kanë hequr shiun me pompë. Kur kam arritur, ishte diell?, tha Orinda.





Lajmet e fundit nga