web counter
LEXO PA REKLAMA!

SHKARKO APP

App Store
Google Play

E fundit!

x

Grushta dhe tullë në kokë mjekut/ Reagon ashpër ish-kryeministri Berisha

24 Shkurt 2019, 08:28, Aktualitet CNA

Një natë më parë një mjek i spitalit të Durrësit ëshët goditur me tulla dhe sende të tjera të forta nga të afërmit e një pacienti.

Nuk është hera e parë që ndodhin raste të tilla në spitalin e Durrësit dhe jo vetëm.

Ngjarja e rëndë ka çuar edhe në reagimin e ish-kryeministrit Sali Berisha.

Sipas tij, goditja e mjekëve në detyrë është një krim i shëmtuar i përsëritur në regjimin kriminal të Kakistokracisë

“Rrahja dhe goditja e mjekëve në detyrë është bërë një ngjarje kriminale thuaj e përjavshme.
Mbrëmë rradhën e këtij krimi të shëmtuar e kishte mjeku në detyrë G. K i urgjencës së Spitalit të Durrësit, i cili mori plagë serioze pas goditjeve me tullë në kokë dhe në fytyrë.

Duke dënuar me ashpërsinë më të madhe këtë akt kriminal dhe shprehur solidaritetin tim ndaj mjekut G.K dhe çdo mjeku apo infermieri që dhunohet në detyre, theksoj se ky krim i përseritur pothuaj çdo javë bën tejet të pasigurtë veprimtarinë e bluzave të bardha dhe kjo ka pasoja shumë serioze jo vetëm për individët e agresuar, por për mbarë shoqërinë”, ka shkruar Berisha në rrjetet sociale.

Sipas tij, kjo situatë dramatike është dëshmi flagrante e pasigurisë së lartë që ekziston sot në vend nën regjimin e Kakistokracisë.

“Iu bëj thirrje mjekëve, infermierëve dhe të gjithë punonjësve të shëndetësisë të mos presin se kush e ka radhën, por të ngrenë fuqishëm zërin e tyre të revoltës ndaj atyre që krijuan këtë sfond kriminal, gjë që bën të pasigurtë dhe kërcënon jetën dhe veprimtarinë e tyre”, ka përfunduar Berisha reagimin e tij./CNA.al

 





Lajmet e fundit nga