Për herë të parë ceremonia e Oscars nuk do të ketë një prezantues, çfarë pritet të ndodhë?

23 Shkurt 2019, 20:15, Aktualitet CNA

Siç mund ta keni dëgjuar, ceremonia e 91-të e Oscar-ve, e cila do të mbahet në 24 shkurt, nuk do të ketë një prezantues. Padyshim që do të jetë ndryshe nga çdo vit, por kohët e fundit kemi parë gjëra më të çuditshme se kjo, si qoftet pa mish ose makinat pa shofer, kështu që nuk është momenti të skandalizohemi.

Por gjithsesi, për fansat besnikë të kinemasë dhe për protagonsitët e filmave, do të jetë e vështirë që ta shijojnë shfaqjen ashtu siç duhet, ose të paktën kështu parashikohet. Fundja, për cilat batuta jo dhe aq të mira apo momente të sikletshme do të shkruajmë ne pas përfundimit të ceremonisë? Megjithatë, kjo është një panoramë e asaj që pritet të ndodhë në shfaqjen e Oscars pa një ?host?.

E gjitha nisi me kontradiktat që shkaktoi zgjedhja e Kevin Hart si prezantues. Komediani u kritikua online për disa komente homofobike të viteve më parë, gjë që solli dhe dorëheqjen e tij nga roli që i ishte besuar, pasi nuk donte të përjetonte më dramën e të qënit në qendër të vëmendjes për këtë gjë. Kështu, produksioni i shfaqjes së përvitshme zgjodhi një grup artistësh të cilët do të kalojnë në skenën e Oscars dhe do ti japin ritëm spektaklit. Nuk do të mungojnë monologët, shakatë për problemet e shoqërisë apo për politikën që tashmë janë traditë, madje ndonjëri mund të dalë dhe vullnetar të ?përqeshë? fjalimin ikonë të Lady Gaga-së: ?Në një dhomë me 100 persona vetëm Bradley Cooper do besonte tek unë..?

Thënë kjo, grupi i artistëve që janë zgjedhur për të ?performuar? si komedianë natën e 24 shkurtit në fakt është shumë premtues. Aty përfshihen emra si: ?Tina Fey, Jennifer Lopez, Michael B.Jordan, Jason Mmomoa, Sarah Paulson, Emilia Clarke, Pharrell Williams dhe shumë të tjerë. Më logjike do të ishte po të ishin zgjedhur dy nga këta që të prezantonin gjatë gjithë mbrëmjes, por Akademia e di më mirë.

Në fakt, kjo nuk është hera e parë fare që Oscars nuk do të kenë një prezantues, ose më saktë një të vetëm. Diçka e tillë ndodhi në ceremoninë e 61-të, në vitin 1989. Është pak të thuash që atë vit ndodhi një rrëmujë e vërtetë, madje një grup prej 17 aktorësh ju drejtuan Akademisë së Filmit duke i thënë që ?Ky është një turp!?. Shpresojmë që e njejta situatë të mos përsëritet. Por gjithsesi rëndësi ka që çmimet të mos shkojnë për filmat e gabuar, khë Black Panther khë, dhe të gjithë do mundohen të jenë të lumtur.