web counter
LEXO PA REKLAMA!

SHKARKO APP

App Store
Google Play

E fundit!

x

Deputeti sherr me diplomatin për Edi Ramën

21 Shkurt 2019, 21:40, Aktualitet CNA

Rrëzimi i Edi Ramës nga posti i kryeministrit ka shkaktuar sherr edhe në emisionin “360 gradë”, të “Ora News”, ku temë diskutimi është: “Do bjerë Rama apo do dorëzohet opozita?”.

Të pranishëm, midis pjesëmarrësve në këtë emision, kanë qenë edhe deputeti socialist Pjerin Ndreu si dhe diplomati i karrierës, Agim Nesho, ish përfaqësuesi i Shqipërisë në Ambasadën shqiptare në SHBA.

Përplasja e Neshos me deputetin Ndreu ka ardhur pasi diplomati e ka vlerësuar  situatën aktuale si tepër të rendë dhe, për të rikthyer normalitetin, ka dhenë gjykimin se është e domosdoshme dorëheqja e Edi Ramës, nga posti i kryeministrit.

“Zgjidhja është që Rama duhet të iki! Ta mbajë Partia Socialiste. Ju nuk keni guxim të thoni se keni edhe të tjerë. 71 veta nuk keni një njeri të dalë e të thotë të vërtetën..Kryeministri i Hungarisë dha dorëheqjen dhe tha e kemi gënjyer popullin. I premtuam më shumë.  Si mund të funksionojë një sistem demokratik pa opozitë”,- ka vlerësuar Nesho, ndërkohë që deputeti Ndreu iua ka kthyer:

” E ke gabim. Të ikë Edi Rama dhe të vijë kush të vijë.Ramën e kemi zgjedhur ne. Ky nuk është problem për shqiptarët. Shumica e shqiptarëve kanë votuar Edi Ramën. Zgjedhjet janë në prag dhe opozita ka rastin të testohet”. Është dashur ndërhyrja e drejtuesit të emisionit për të zbutur gjakrat e nxehur të dy debatuesve./CNA.al





Lajmet e fundit nga