E fundit!

09:13 Kronika

Vodhën rreth 700 milionë lekë të pensioneve dhe ndihmave sociale/ Në pranga tri zyrtaret e Postës Shqiptare

Një rast skandaloz dhe kriminal është regjistruar në Durrë...

Bandat e votave/ PD i rikthehet akuzave ndaj Dakos

19 Shkurt 2019, 16:20, Aktualitet CNA

Deputeti i PD-së Gent Strazimiri në një deklaratë për mediat ka sulmuar Partinë Socialiste në lidhje me përgjimin e bërë publik nga ?Zëri i Amerikës?.

Sipas Strazimirit, bandat që blejnë votat nuk janë të Partisë Demokratike.

?Bandat që blejnë votat nuk janë të PD-së Vangjush Dako, Arben Ndoka, Elvis Rroshi dhe Damian Gjiknuri nuk janë të PD-së. Sa herë që PS-ja do të blejë vota, PD-ja do t?i zbulojë dhe duke u mbështetur në median prestigjoze ?Zëri i Amerikës? që bëri publik përgjimin?,u shpreh Strazimiri.

Deklarata e plotë:

Sa herë Edi Rama është në hall i kapur në flagrancë në krim, ai përdor të njëjtën metodë: gënjen në mënyrë të paturpshme dhe mohon në mënyrë kriminale të vërtetat e mëdha që rendisin Shqipërinë si vendin më të korruptuar dhe më të varfër në Europë.

Njësoj veproi edhe sot.

Mohoi se e ka grabitur pushtetin me paratë dhe influencat e krimit dhe të drogës.

Mohoi ekzistencën e dosjes ?339?, ku vetëm nga përgjimi i një bande kriminale, rezulton se Edi Rama ka blerë vota dhe mandate deputetësh në 4 qarqe të vendit.

Edi Ramës sot nuk i beson më askush!

Ai mohoi para 5 vjetësh se kishte futur vetëm në parlament 19 kriminelë, vrasës, përdhunues, trafikantë droge e qëniesh njerëzore, e sat ë tjerë nëpër bashki.

Ai mohoi para 3 vjetësh se e ktheu Shqipërinë në Kolumbinë e Europës, me 219 mijë hektarë të mbjella më kanabis, e para 2 vjtësh se ministry I tij I brendshëm trafikonte me bandat

Ai mohoi sot se grabiti zgjedhjet me ndihmën e krimit të e organizuar.

Tani është koha e së vërtetës!

Dosja 339 nuk është e Partisë Demokratike.

Bandat që blejnë vota nuk janë të Partisë Demokratike. Vangjush Dako, Arben Ndoka, Elvis Roshi, Damian Gjiknuri nuk janë të Partisë Demokratike, por janë njerëzit kyç që komunikojnë herë me bandat e krimit të organizuar, herë me banditët në krye të Policisë për të blerë votat për llogari të Edi Ramës.

Sa herë që Edi Rama, do të tentojë të mashtrojë shqiptarët për pushtetin e blerë me krimin, Partia Demokratike, do t?u tregojë shqiptarëve të vërtetën jo sipas nesh, por sipas ?Zërit të Amerikës?.

As kjo media nuk është e Partisë Demokratike.

Ajo financohet nga Departamenti Amerikan i Shtetit, ka qenë për 46 vjet i vetmi zë i së vërtetës për shqiptarët dhe mbetet, ende sot, zëri i së vërtetës së pamohueshme, të painfluencueshme, asaj që nuk është në shitje./CNA.al