web counter
LEXO PA REKLAMA!

SHKARKO APP

App Store
Google Play

E fundit!

x

Nuk luajmë “përdhunimesh”/ Qytetarët marshojnë  për 13 vjeçaren e abuzuar  në Kavajë

9 Shkurt 2019, 21:25, Aktualitet CNA

Nisur nga rasti i paprecedentë i Kavajës, ku një  vajzë vetëm 13-vjeçare u dhunua seksualisht për muaj të tërë, si dhe nga dalja në pah e shumë problematikave të dhunës gjinore, mizogjinisë dhe stigmës që rrethon viktimat, një grup studentësh dhe qytetarësh kanë vendosur të reagojnë përmes një marshimi të  heshtur, ditën e nesërme.

?Nuk luajmë përdhunimesh?, është emërtimi i vendosur nga organizatorët. Sipas përshkrimit të eventit në rrjetet sociale, protesta do të jetë në formën e një marshimi të heshtur. Marshimi fillon në orën 10:00 tek Ministria e Arsimit dhe do të përfundojë tek Drejtoria e Policisë.

Në event gjithashtu përshkruhet qartë se marshimi nuk ka pas asnjë  forcë, apo ide të qarqeve politike, por është kryekëput një organizim qytetar.

?A dhe që të jemi të qartë pas kësaj proteste qëndrojnë disa qytetarë me ndërgjegje, asnjë grupim apo parti politike. Ju presim,? shkruhet në postim.

Të pyetur nga CNA.al, në lidhje me formën e marshimit, gjatë të cilit do të protestohet pa fjalime, organizatorët thanë se zgjodhën heshtjen për të thënë se heshtja po vret viktimat. Nga ana tjetër ata u shprehën se nuk është më koha e fjalëve por koha e veprimit.

?Është folur shumë për dhunën me bazë gjinore,tanimë është koha të heshtim dhe të veprojmë?,shprehen njëzëri iniciuesit e marshimit.

Gjithashtu të pyetur në lidhje me angazhimin e shoqatave të shumta, që punojnë për kauzën e grave të dhunuara,ata u shprehën se nuk janë duke bashkëpunuar me ndonjë prej tyre./CNA.al





Lajmet e fundit nga