E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gjonaj kushërirë e Metës/ Presidenti: Të procedohen të gjithë

9 Shkurt 2019, 18:09, Aktualitet CNA

Presidenti Ilir Meta ka komentuar sot lidhjen e politikanëve, prokurorëve dhe gjyqtarëve me krimin dhe korrupsionin.

Në një intervistë për ?Zërin e Amerikës?, Meta ka komentuar edhe deklaratën e Kryetares së LSI-së, Monika Kryeadhit për ministren e Drejtësisë, Etilda Gjonaj, me të cilën ajo tha se kreu i shtetit ka edhe lidhje familjare.

I pyetur nga gazetari për këtë gjë, Presidenti u shpreh se çdo person duhet të dalë para drejtësisë, pavarësisht se kush është ai person./CNA.al

Pjesë nga intervista e Presidentit Ilir Meta për Zërin e Amerikës:

Zëri i Amerikës: Edhe një pyetje e fundit lidhur me temën e korrupsionit, që ka dalë këto dy tre ditë. Në teori të gjithë politikanët i japin mbështetje me zë të lartë luftës ndaj korrupsionit, por duket se kemi të bëjmë më shumë me një lloj retorike. Po të shohim reagimin e qeverisë ndaj rasteve që ka nxjerrë në pah media për korrupsionin, kemi vënë re një lloj shfajësimi ose deri diku një lloj marrje në mbrojtje të personave që janë të akuzuar. Po të njëjtën gjë vumë re pardje me opozitën. Në një përplasje që pati me ministren e drejtësisë, pasi ministria e drejtësisë arrestoi dhe po ndiqen penalisht disa persona që kanë qenë zyrtarë të LSI-së më parë për disa shkelje në këtë ministri, kryetarja e LSI-së goditi ministren e drejtësisë dhe i mori në mbrojtje këta njerëz. Madje nxori edhe emrin tuaj; deri tani, tha, nuk e kam nxjerrë emrin e ministres së drejtësisë, pasi ajo ka lidhje familjare me ju. Zonja Kryemadhi kështu u shpreh. Si iu duken ju këto komente? A janë këto sinjale të qarta që politikanët duhet të nxjerrin, ndërkohë që vendi ka një problem serioz me korrupsionin?

Ilir Meta: Problemi padyshim që është mjaft serioz përderisa, e theksoj edhe një herë, Transparency International e nxjerr të përkeqësuar dy vitet e fundit vlerësimin për Shqipërinë. Duhet të ndodhte e kundërta. Në kuadër të reformës në drejtësi duhet të kishte një frenim, duhet të kishte një kujdes më të madh në respektimin e ligjit dhe të Kushtetutës, duhet të kishte një reagim më të shpejtë ndaj rasteve të qarta dhe ndaj rasteve publike. Unë përshëndes çdo procedim, që bëhet ndaj kujtdo, qofshin edhe raste të tilla si ajo që ka ndodhur në ministrinë e drejtësisë ditët e fundit sipas këtij varianti që ju po shprehni.

Megjithatë ka disa çështje që janë shumë madhore, sepse çështje të tilla padyshim që ka dhe do të ketë. Sepse çdo ditë ka prokurime dhe mund të ketë edhe shkelje edhe korrupsion. Por ka disa raste ku është e rëndësishme të përqëndrohemi më shumë për të vendosur vërtet besimin në funksionimin e shtetit, në sundimin e ligjit.

Më konkretisht, unë do të theksoja faktin skandaloz të shkeljes së Kushtetutës lidhur me dhënien fuqi prapavepruese për shpërndarjen e dividentit për të kaluarën, i cili sjell implikime të mëdha dhe mund të sjellë edhe pasoja të mëdha në të ardhmen në dëm të interesit publik dhe në dëm të funksionimit normal të rendit juridik dhe kushtetues në një shtet të së drejtës. Apo edhe rasti tjetër i Unazës së re është një rast flagrant, ku kemi një shkelje të hapur të të drejtave të njeriut, përveç fenomenit jo transparent. Nga ana ime prokuroria dhe çdo agjenci ligjzbatuese ka patur, ka dhe do të ketë mbështetjen më të plotë por edhe duhet të tregojë bindshëm se është jashtë çdo ndikimi politik edhe partiak.