web counter
LEXO PA REKLAMA!

SHKARKO APP

App Store
Google Play

E fundit!

x

Goditja e krimit të organizuar/ Ardi Veliu zbardh planet

9 Shkurt 2019, 15:33, Aktualitet CNA

Policia e Shtetit ka zhvilluar sot një analizë të gjithë veprimtarisë së vitit 2018.

Drejtori i Përgjithshëm i Policisë së Shtetit, Ardi Veliu prezantoi këtë raport të Policisë së Shtetit.

Veliu ka thënë se gjatë vitit 2018 policia ka përmbushur prioritetet dhe objektivat.

?Janë përmbushur objektivat në drejtim të parandalimit të kultivimit të kanabisit, trafikimit të lëndëve narkotike, të parandalimit të kriminalitetit, të rritjes së parametrave të rendit dhe sigurisë, të rritjes së performacës së punonjësve të policisë, duke sjellë një shërbim më cilësor për komunitetin, si dhe të forcimit të bashkëpunimit me agjencitë ligjzbatuese brenda dhe jashtë vendit.?-ka thënë ai.

Më tej, drejtori i policisë ka thënë se ky vit ka qenë më i suksesshmi në luftën kundër lëndëve narkotike.

?Viti 2018 është viti më i suksesshëm në luftë kundër kultivimit të kanabisit, të goditjes së grupeve kriminale dhe krimit të organizuar, të parandalimit të krimit ku krahasuar me një vit më parë kemi 1 vrasje më pak duke shënuar numrin me të ulët në afro 30 vite, vjedhje me dhunë dhe armë më pak, si dhe ndërhyrje në kohë të policisë për parandalimin e përshkallëzimit me pasoja të rënda të shumë konflikteve të çastit.?-u shpreh Ardi Veliu.

Në vijim të fjalës, Drejtori i Përgjithshëm i Policisë së Shtetit flet edhe për pritshmëritë e vitit 2019.

“Në funksion të kryerjes së misionit të saj, nëpërmjet përsosjes së vazhdueshme të treguesve të performancës policore dhe rritjes së besimit të publikut, Policia e Shtetit për vitin 2019 do të ketë këto objektiva kryesore:

Ndërsa, ministri i Brendshëm,  Sandër Lleshaj është një polici me problematika të shumta, por që duhet të vijoj punën drejt përmirësimit.

“Policia e Shtetit shqiptar është një polici e vogël, por problematika jonë nuk është e vogël, ende vazhdon që problematika të jetë e madhe dhe për të arritur që të kompensojmë mungesën e numrave të policisë, mbetet i rëndësishëm bashkëpunimi me qytetarët e këtij vendi. Është e rëndësishme, është jetike që Policia e Shtetit të forcojë bashkëpunimin me qytetarët e këtij vendi, është e rëndësishme që qytetarët të rrisin besimin tek policia e tyre dhe për të rritur besimin ka vetëm një mënyrë: ta fitosh atë përmes punës, përmes integritetit, përmes ndershmërisë, përmes përkushtimit, përmes angazhimit dhe përmes sakrificës. Policia është marrë me kriminelët, është marrë me të keqen e vendit por nuk mjafton kjo. Duhet që policia të merret edhe më të keqen e vendit por të merret edhe me qytetarët.?-deklaroi ai.

Lleshaj shton ndër të tjera se lufta kundër krimit të organizuar do të mbetet prioriteti i Policisë së Shtetit.

?Lufta kundër krimit të organizuar mbetet prioriteti i prioriteteve në tërësi. Sigurisht që këtu është bërë shumë janë ngritur struktura, Task – Forca Qendrore është një histori suksesi, histori e cila duhet të vijojë të thellohet në këndvështrimin tim dhe në detyrat që së shpejti do të bëj publike për Policinë e Shtetit, për strukturat e tjera të Ministrisë së Brendshme. Do të kërkohet që koncepti i Task – Forcës të shtrihet në të gjithë Policinë e Shtetit. E gjithë Policia e Shtetit shqiptar do të jetë Task Forcë Qendrore për luftën kundër krimit të organizuar”.- u shpreh ministri i Brendshëm.

Në bërjen publike të kësaj analize kanë marrë pjesë ministri i Brendshëm, Sandër Lleshaj, Kreu i Komisionit për Sigurinë Kombëtare Ermonela Felaj, Drejtuesja e Prokurorisë së Krimeve të Rënda Donika Prela, Drejtori i Gjyqësorit në Prokurorinë e Përgjithshme Adnan Xholi, si dhe përfaqësues të Avokatit të Popullit./CNA.al

 





Lajmet e fundit nga