web counter
LEXO PA REKLAMA!

SHKARKO APP

App Store
Google Play

E fundit!

x

Poshtë Edi Rama, rroftë LSI!

9 Shkurt 2019, 12:06, Aktualitet CNA

Monika Kryemadhi sot nga Korça elektrizoi sallën me thirrje “poshtë Edi Rama”, duke qarë hallet e shqiptarëve, duke akuzuar kryeministrin dhe duke luajtur rolin e një partie të ndershme që në fakt po lufton me mish e me shpirt për të rrëzuar Edi Ramën.

?Poshtë Edi Rama? bërtisnin një tufë ish-drejtorësh, deputetë e ish-deputët hajdutë, sa në kohën e Berishës, aq edhe në kohën e Edi Ramës.

Kush mund ta besojë bandën e gjobaxhinjve të Ilir Metës, kur bërtasin ?poshtë Edi Rama??

A nuk ishte Ilir Meta dhe LSI-ja që e sollën Edi Ramën në pushtet në vitin 2013?

Sot Rama nuk do të ishte kreu i qeverisë, por një kufomë politike që kishte drejtuar PS-në dhe kishte humbur, por Ilir Meta e ringjalli Ramën si Krishti Llazarin. Sot nuk do të kishim Edi Ramën kryeministër dhe nuk do të kishte nevojë banda e LSI-së të bërtiste “poshtë Edi Rama?.

Në fakt, kryeministri ynë ndoshta është i vetmi që bërtet ?rroftë LSI-ja?, e cila e solli në pushtet në vitin 2013.

Ndoshta edhe ?rroftë Luli?, që e mbajti në pushtet në 2017-ën.

Kur bërtet Monika dhe banda e LSI-së ?poshtë Edi Rama?, direkt në mendje të vjen Rilindja.

Ministrat hajdutë të LSI-së, skandalet e Ylli Manjanit me liçensa noterësh apo byzylykësh, ku është edhe Petrit Vasili. Bëmat dhe gjëmat e Edmond Haxhinastos, nga Rruga e Kombit tek skandali me vilën 1 milion euro në Gjirin e Lalzit.

Pa folur për drejtorët hajdutë në Tatime, Rrugë, Dogana e kudo.

?Poshtë Edi Rama?, nuk mund të bërtasë LSI-ja, sepse ky i fundit i hoqi llokmën e korrupsionit, për ta mbajtur të gjithën për vete.

Sepse sa më fort ta thotë Monika dhe hajdutët e saj, aq më larg tyre shkojnë shqiptarët. Me ata surretër që kishte mbledhur sot në Korçë, në qoftë se do të kishte ca qytetarë që do të shkonin në protestë, i trembi Monika duke i nxjerrë në televizor duke bërtitur poshtë Edi Rama.

?Poshtë Edi Rama? bërtet Monika, ?Rroftë LSI-ja?, bërtet Edi Rama. Sa shumë korrupsion, krim dhe dashuri, ka midis këtyre dy forcave politike, aq shumë sa nuk ndahen dot edhe pse shahen. ?Me qetësi dhe dashuri? pritet të zgjidhet sërish ?konflikti? i tyre./ CNA.al





Lajmet e fundit nga