web counter
LEXO PA REKLAMA!

SHKARKO APP

App Store
Google Play

E fundit!

x

Shpëtuan Dritan Dajtin/ Vettingu ndëshkon gjyqtarët?

9 Shkurt 2019, 15:11, Aktualitet CNA

Autori i vrasjes së katër policëve në Durrës në vitin 2009, Dritan Dajti u dënua me 25 vite burg nga Gjykata e Apelit për Krimet e Rënda, pasi përfitoi nga gjykimi i shkurtuar.

Gjyqtarët që dhanë vendimin ishin të deleguar nga rrethet, pasi gjyqtarët e tjerë të Krimeve të Rënda ishin konsumuar nga lojërat proceduriale të të pandehurit raporton TCH.

Dënimi me 25 vite burg u dha nga tre gjyqtarë të Shkodrës, më saktësisht nga Fuat Vjerdha, Lindita Hoxhaq dhe Aleks Nikolli dhe nga dy gjyqtarë nga Gjykata e Apelit në Vlorë, Petrit Aliaj dhe Skënder Damini.

Asnjë nga këta pesë gjyqtarë që dhanë vendimin nuk kanë kaluar Vettingun.

Në 10 vite procese gjyqësore Dritan Dajti gjithmonë është munduar q të vonojë dhënien e vendimit, duke shfrytëzuar mungesën e  ligjislacionit për mosgjetjen e një avokati, pasi ai pretendonte se nuk kishte mundësi financiare për të gjetur një avokat.

Nga viti 2016 ku Dajti u dënua me burgim të përjetshëm e deri më tani shumë gjyqtarë të deleguar nga Këshilli i Larë i Drejtësisë kanë dhënë dorëheqjen duke e favorizuar në njëfarë mënyre atë.

Gjatë 10 viteve që është mbajtur në paraburgim ai pritet që të bëjë hapin e radhës duke e llogaritur këtë kohë duke e bërë gati 16 vite burgosje.

Për të bërë këtë gjë Dritan Dajti duhet që së pari të kërkojë bashkim dënimesh dhe për dy krimet e tjera, arratisje dhe vrasje.

I vetmi arsyetim që mund të përdorë prokuroria është rekursi brenda 40 ditëve dhe diskutimi nëse duhet llogaritur koha e paraburgimit, kohë në të cilën ai mbahej, ndërsa kishte edhe dy dënime të mëparshme për të vuajtur./CNA.al

 





Lajmet e fundit nga