web counter
LEXO PA REKLAMA!

SHKARKO APP

App Store
Google Play

Zhduket Air Albania/ Ku ndodhet sot "Lasgushi"

8 Shkurt 2019, 14:01, Aktualitet CNA

Vazhdojnë të shtohen dyshimet për kompaninë kombëtare të fluturimit ?AIR ALBANIA.? Mediat e huaja shkruajnë çdo ditë mbi fatin e kësaj kompanie, për të cilën kryeministri Edi Rama deklaroi se do të ishte krenaria e fluturimeve shqiptare.

Ditën e djeshme mediat turke kanë shkruar për këtë kompani dhe mosngritjen në fluturim të avionëve të saj. Websiti i dedikuar lajmeve të fluturimeve ajrore në Turqi Airport Haber? që në titull ngre pikëpyetjen se a ka përfunduar bashkëpunimi i Turkish Airline me Air Albania? Sipas artikullit partneriteti Turqi-Shqipëri nuk ka funksionuar që nga muaji Qershor i vitit të kaluar. Madje shkrimi konfirmon se kompania Turkish Airline ka tërhequr avionin AIRBUS 319 nga Shqipëria i cili aktualisht ndodhet në pistën e aeroportit të Stambollit duke e paraqitur edhe me foto avionin.

Pas lançimit të këtij projekti të përbashkët me Turqinë, në Tiranë u hapën edhe zyrat e agjencisë shqiptare Air Albania. Ambientet e këtyre zyrave janë të boshatisur dhe e vetmja gjë që e identifikon është vetëm logoja me emrin e kompanisë Air Albania raporton News 24.

Faktit se projekti nuk ka marrë ende jetë i shtohet edhe konfirmimi nga ana e autoritetit të Aeroportit të Tiranës, i cili thotë se ende nuk ka asnjë plan fluturimi të kësaj kompanie.

Sipas këtyre burimeve TIA është në pritje të planit dhe lejes së fluturimit që Aviacioni civil do të firmos për Air Albania. Nga ana tjetër heshtja e autoriteteve shqiptare përballë këtyre fakteve shton edhe më shumë dyshimet se kompania Air Albania nuk funksionon.

Për herë të parë ideja për krijimin e kompanisë kombëtare të fluturimeve u njoftua në Korrik të vitit 2017 si një nismë e përbashkët e kryeministrit Edi Rama dhe presidentit tuk Rexhep Taip Erdogan. Ndërsa konkretizimi i saj u bë në Qershor të 2018. E regjistruar në qendrën kombëtare të biznesit kompania AIR ALBANIA figuron me 3 aksionerë ?Turkish Airlines?, ?MDN Investment? dhe ?Albcontrol?.





Lajmet e fundit nga