E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

Gjonaj ngre tonet/ Paralajmëron opozitën, thirrje të forta prokurorisë

8 Shkurt 2019, 11:47, Aktualitet CNA

Arrestimet e ish-zyrtarëve të lartë të ministrisë së Drejtësisë, nën akuzat për abuzime me tenderat gjatë kohës që ky dikaster drejtohej nga ministra të LSI-së, kanë sjellë përplasje të fortë mes Monika Kryemadhit dhe ministres aktualet, Etilda Gjonaj.

Kryetarja e LSI, Monika Kryemadhi ditën e djeshme nga foltorja e Kuvendit, ka sulmuar ashpër ministren e Drejtësisë, Etilda Gjonaj.

?Nuk e kam sulmuar për shkak të lidhjeve të mia familjare me të, por ajo nuk mund të shantazhojë punonjësit e Ministrisë së Drejtësisë, se korrupsionin e ka brenda në shtëpinë e saj. Ajo të tregojë përse është pushuar bashkëshorti i saj nga Drejtoria e Tatimeve, lidhjen e bashkëshortit të saj me Elvis Martinaj dhe lidhjen me pjesëtarë të Qeverisë apo me avokatët e saj që ka në Kosovë?, ka thënë dje Kryemadhi.

Ndërkohë, sot sërish në një dalje mediatike, Kryemadhi tha se i di mirë pozicionet që mban ministrja dhe i tha të mos bëj rolin e virgjëreshës.

Por, sot me tone të forta ka reaguar ministrja Gjonaj, e cila i ka cilësuar deklaratat e Kryemadhit si sulme vulgare.

Gjonaj tha se akuzat e Kryemadhit, janë thjeshtë dhe vetëm sulme kundër drejtësisë, ndërsa i bëri thirrje prokurorisë të cojë hetimin deri në fund dhe kush ka përgjegjësi të përgjigjet para ligjit.

?Sulmet vulgare të Kryemadhit, janë sulme kundër drejtësisë. Unë u sulmova më qëllimin e vetëm për të sulmuar drejtësinë. U bëj thirrje organeve të drejtësisë të vënë para përgjegjësisë të gjithë ata që kanë kryer shkelje. Kush ka përgjegjësi do të përgjigjet para ligjit?-tha Gjonaj.

Më tej, ajo i bëri thirrje organit të akuzës të mos intimidohet nga kërcënimet e opozitës dhe të gjithë të jenë të barabartë para ligjit.

?Prokuroria të mos intimidohet nga kërcënimet. Të gjitha ata që kanë hedhur firmat të mbajnë përgjegjësi.

Drejtësia të mos jetë selektive, por të gjithë të përgjigjen para ligjit. Opozita të mos dalë në deklarata e shpifje që nuk ndihmojnë procesin. Sulmet ndaj prokurorisë nga opozita nuk janë aspak të rastit, por janë qartë arsyen e kundërvënie ndaj Reformës në Drejtësi. Opozita të tregojë mbështetje për zbatimin e ligjit në çdo moment ?-tha ndër të tjera ministrja Gjonaj./ CNA.al

Abuzim me tenderat/ Arrestohen 4 zyrtarë, në hetim dy ish-ministra

Ministrja Gjonaj në përgjim?/ Kryemadhi zbardh lidhjet e saj me krimin

Nuk ndalet Kryemadhi/ Kërcënon hapur ministren Gjonaj

Kërcënimi i Kryemadhit/ Përgjigjet ?dhëmbë për dhëmbë? Gjonaj