web counter
LEXO PA REKLAMA!

SHKARKO APP

App Store
Google Play

Akuzat e forta/ Basha zbulon planin “kriminal” të qeverisë

8 Shkurt 2019, 10:36, Aktualitet CNA

Kreu i Partisë Demokratike, Lulzim Basha gjatë një takimi që po zhvillon sot me qytetarë të Kukësit, ka hedhur akuza të forta në drejtim të qeverisë.

Kryedemokrati Basha është shprehur se synimi i qeverisë është zbrazja e Kukësit, ndërsa e ka cilësuar këtë si plan kriminal. Sipas Bashës, arsyeja pse Rama kërkon të zbrazë Kukësin, sepse e di që nuk e ka mbështetjen e kuksianëve.

?Qëllimi i Ramësështë të zbrazë Kukësin, sepse e di që nuk e ka mbështetjen e kuksianëve. Vendosja e taksës në rrugën e Kombit është kriminale. Sot Kukësi ka shkallën më të lartë të emigracionit. Shqipëria po përballet me largimin masiv, por Kukësi mban rekord në këtë drejtim.

Masat e marra, si vendosja e traut, heqja e universitetit dhe mbytja e biznesit të vogël, kanë goditur gjithë Shqipërinë, por në veçanti Kukësin?-tha Basha.

Më tej, Basha u zotua para qytetarëve të Kukësit se me të ardhur në pushtet do të anullojë taksën në rrugën e Kombit dhe do të rihapë universitetin.

?Zotohem para gjithë këtyre zonjave e zotërinjve se çdo padrejtësi ndaj Kukësit e kusianëve do ta zhbëjmë në javët e para në pushtet. Taksa do të zerohet dhe do të rihapim universitetin. Qëllimi ynë kryesor është punësimi dhe jo lëmosha. Do t?ju japim mundësi të punësohen apo vetëpunësohen nëpërmjet biznesit ?-u shpreh Basha./ CNA.al





Lajmet e fundit nga