web counter
LEXO PA REKLAMA!

SHKARKO APP

App Store
Google Play

Reforma në Drejtësi/ SHBA paralajmëron politikën shqiptare

8 Shkurt 2019, 10:06, Aktualitet CNA

Prokuror amerikan dhe njëherësh ish-agjenti i FBI, Gjon Juncaj gjatë një interviste në RTSH mbrëmjen e djeshme ka paralajmëruar se Reforma në Drejtësi do të ketë sukses, duan apo nuk duan politikanët shqiptarë.

?Mendoj se të gjithë jemi në një mendje se reforma në drejtësi është rruga më e mirë përpara. Po ashtu mendoj se nëse politikanët nuk duan që të ketë sukses ? më lejoni të jem i qartë për këtë ? ajo prapë do të ketë sukses. Sepse populli shqiptar e mbështet, Shtetet e Bashkuara e mbështesin, komuniteti ndërkombëtar e mbështet?E shoh si një tren që po lëviz përpara dhe ose do të jesh në tren ose do të jesh në shina përpara trenit. Por, lëvizja është përpara.? ?u shpreh Juncaj.

Ndërsa i pyetur, se cila është pengesa që hasin prokurorët shqiptarë në punën e tyre, Juncaj tha se ?Mendoj se ka shumë pengesa. Njëra është që Shqipëria është vend i vogël. Është e vështirë të kryesh një hetim serioz, hetim të madh, sepse sekretet dalin, dhe shqiptarët e njohin njëri-tjetrin kollaj në një vend kaq të vogël. Po ashtu është e vështirë të gjesh njerëz që janë gati të dalin dëshmitarë në një çështje, qofshin pjesë e veprimtarisë kriminale apo thjesht persona që kanë qenë dëshmitarë. Por mendoj se problemi kryesor është që ka shumë njerëz të fuqishëm në Shqipëri që kanë mënyra të ndryshme për të ushtruar presion mbi prokurorët.?./ CNA.al





Lajmet e fundit nga