Protesta/ Pedagogia thirrje urgjente Komisionit të Medias

8 Shkurt 2019, 09:59, Aktualitet CNA

Pedagogia e Fakultetit të Shkencave Sociale, Majlinda Keta ka bërë thirrje për një takim midis deputetëve të Komisionit të Mediave dhe Asamblesë së pedagogëve.

Nga studio e lajmeve në Faxnews, Keta u shpreh se universiteti gjendet në një situatë shumë të keqe dhe sipas saj çdo vonesë në zgjidhjen e këtij ngërçi është në dëm të studentëve.

Ajo theksoi se ligji aktual i arsimit të lartë ka si qëllim vetëm kthimin e universitetit në një ndërrmarrje ose biznes.

?Ky ligj nuk është gjë tjetër veçse ideja që Universitetet të shihen si një ndërmarrje, si një shitore, ku veçanërisht e majta duhej të prihej nga ideja se arsimi është një e mirë publike. Në kohën e të majtës Universiteti Publik duhej të ishte në nivelet më të larta dhe jo e kundërta. Ky ligj që po aplikohet është kundërshtuar disa herë gjatë qeverisjes Berisha, dhe ai u tërhoq.

Kemi një rast kritik në Fakultetin e Universitetit të Drejtësisë, pasi ka një bllokim të sekretariatit. Unë i mbështes studentët në gjithçka që ata vendosin brenda grupit të tyre, po iu kërkoj që të lirojnë sekretariatin. Studentët duhet ta kuptojnë se kjo që po ndodh është në favorin e tyre, duhet të ketë zgjedhje të reja për drejtimin e Universiteteve.

Ne duhet të marrim të dhënat e tyre për zgjedhjet, unë nuk jam dakord me zgjidhjen që u bë, duke i çuar studentët në shkollën ?Petro Nini.? Ishte një zgjidhje për të thënë se e zgjidhëm, pasi është e pamundur që të themi se bëjmë leksione për 600 studentë, kur sallat e gjimnazit nuk kanë kapacitet më shumë se 40 person?-u shpreh ajo.

Më tej, pedagogia theksoi se kryeministri Edi Rama nuk arriti të shkëpuste administratën nga politika dhe sipas saj rasti i Universitetit të Tiranës.

?Kryeministri Rama nuk arriti që të ndërtonte një administratë të papolitizuar, mbrojtja e Reformave bëhet vetëm nga përfaqësuesja politike që është ministrja. Unë nuk e kuptoj pse mbrojtjen e ligjit nuk e bëjnë ekspertët dhe teknicienët.

Kjo tregon se ekspertiza nuk është përthithur nga ana e ministrive. Rasti i mbajtjes së gjendjes së konfliktualitetit me Universitetin e Tiranës, tregon që Ministria nuk arriti të ndërtonte dot ura komunikimi me institucionet e varësisë.?-shtoi Majlinda Keta./CNA.al