web counter
LEXO PA REKLAMA!

SHKARKO APP

App Store
Google Play

Balla i përgjigjet Bashës/ Apel të fortë opozitës

8 Shkurt 2019, 13:21, Aktualitet CNA

Kreu  i Grupit Parlamentar të PS-së , Taulant Balla nga Elbasani, i është përgjigjur ultimatumit të opozitës, e cila ka paralajmëruar një protestë me 16 shkurt në Tiranë, për rrëzimin e kryeministrit Rama.

Deputeti Balla kërkoi që opozita të heqë dorë nga ultimatume që sipas tij cënojnë integrimin e vendit në Bashkimin Europian.

 ?Opozita te heqë dore nga këto ultimatume që cenojnë rrugën tonë drejt fillimit të bisedimeve për anëtarësimin në BE. Të gjithë e dimë që në këtë proces shumë i rëndësishëm është edhe roli që luan opozita. Seanca e djeshme në kuvendin e Shqipërisë ishte një seancë tejet normale dhe apeli im është që këtë normalitet duhet ta vijojmë, sepse ne i kemi besuar opozitës dy role të rëndësishme në punën dhe ndërthurjen që ka kuvendi i Shqipërisë përgjatë procesit të  Integrimit Europian. I kemi besuar qoftë  Këshillin Kombëtar të Fuqizimit dhe Komisionin  e i Integrimit Europian në Kuvendin e Shqipërisë.?-tha Balla.

Më tej, deputeti socialist i bëri ftesë opozitës që në seancën e radhës në parlament të miratojë marrëveshjen për anëtarësimin e Maqedonisë  së Veriut në NATO dhe të votojë paketën e reformës zgjedhore.

?Mirëpresim opozitën  që në seancën e ardhshme, që do të miratojë marrëveshjen për anëtarësimin e Maqedonisë  së Veriut në NATO, por që opozita të vijë të  votojmë  së bashku paketën e reformës zgjedhore. Së fundmi kemi një kod zgjedhor që adreson më së shumti tërësisht të gjitha rekomandimet e OSBE ODHIRIT, për të tre zgjedhjet e fundit?.-deklaroi deputeti i PS, Taulant Balla.

Gjithashtu Balla paralajmëroi qartë, se nuk do të mund të ndalet Reforma në Drejtësi.

?Duhet të jetë e qartë që Shqipëria është një rrugë pa kthim në zbatimin e plotë të reformës në Drejtësi. Kush mendon se me protesta, pa protesta, me bojkote pa bojkote mund të bllokojë implementimin e plotë të reformës në Drejtësi, krijimin e Prokurorisë së Posaçme Antikorrupsion,  Byrosë Kombëtare të hetimit, e ka shumë gabim.?-tha ndër të tjera Balla.





Lajmet e fundit nga