web counter
LEXO PA REKLAMA!

SHKARKO APP

App Store
Google Play

E fundit!

x

Deputetët kundër shkollave publike?/ Fëmijët i çojnë në privat, ose jashtë vendit

8 Shkurt 2019, 13:05, Aktualitet CNA

Sipas një studimi të bërë nga Instituti për Studimet Politike, (ISP), shumica e deputetëve të parlamentit shqiptarë, fëmijët e tyre i çojnë me studime jashtë vendit, ose në shkollat private.

Sipas ISP, dy të tretat e deputetëve refuzuan të japin informacion, ndërsa ndër ata që dhanë informacion rezulton se 26,5% e deputetëve i kanë dërguar fëmijët e tyre në shkollat e mesme ose të larta brenda vendit dhe 17,6% i kanë dërguar fëmijët në shkolla jashtë vendit.

Gjithashtu në raport, theksohet se lidhur me natyrën e shkollës, publike apo private, rezultoi se shumica e deputetëve që janë përgjigjur i kanë fëmijët e tyre në shkolla private (17,6%) ndaj atyre në shkollat publike (5,9%).

Ndër përgjigjet e tjera deputetët dhanë variante të ndryshme alternative, si për shembull, një vit në shtet dhe dy vjet në privat, ose për ca kohë jashtë vendit, por më pas në shkollat brenda vendit, etj.

Në tërësi, pa rëndësinë e detajeve, tabloja e të dhënave nga deputetët tregon se preferencë mbetet dërgimi i fëmijëve në shkolla të mesme ose të larta private dhe se përqindja e atyre që i kanë dërguar fëmijët në shkolla jashtë vendit është relativisht shumë më e lartë sesa përqindja e popullsisë votuese./ CNA.al





Lajmet e fundit nga