E fundit!

22:46 Aktualitet

Deklarata e Paunoviç/ Sveçla: Nuk është personale, reflekton qëndrim të Serbisë

Ministri i Brendshëm në Kosovë, Xhelal Sveçla ka folur mbr...

Ruçi takon zyrtarin gjerman/ Po punohet për hapjen e negociatave

6 Shkurt 2019, 18:04, Aktualitet CNA

Kryetari i Kuvendit, Gramoz Ruçi dhe Kryetari i Grupit Parlamentar të PS, Taulant Balla janë duke zhvilluar një vizitë zyrtare në Gjermani.

Ditën e sotme ata u takuan me Ministrin e Shtetit për Çështje të BE, Michael Roth.

Ruci falënderoi ministrin Roth për mbështetjen e Qeverisë gjermane në procesin e vendimmarrjes së Vendimit të Këshillit Europian, për rekomandimin për çeljen e negociatave me Shqipërinë në qershor 2019.

?Çelja e negociatave të anëtarësimit është beteja kryesore e Kuvendit, Qeverisë dhe gjithë qytetarëve shqiptarë, të cilët janë unanimisht në mbështetje të këtij procesi.?,- u shpreh kreu i Kuvendit.

Me tej, Ruçi vuri në dijeni ministrin gjerman se Parlamenti i Shqipërisë ka miratuar 20 nga 27 projekt-ligjet e propozuara nga BE-ja dhe shtoi se është duke u punuar për ligjet e mbetura.

?Parlamenti ka miratuar 20 ligje, pjesë të paketës prej 27 projektligjesh të reformës në drejtësi, si edhe ka në shqyrtim pjesën tjetër të këtyre projektligjeve. Operacioni Ndërkombëtar i Monitorimit ka konstatuar se ky procesi i Vetting-ut është kryer në mënyrë tërësore e profesionale. Me formimin e Këshillit të Emërimeve në Drejtësi, Këshillit të Lartë të Prokurorisë dhe i Këshillit të Lartë të Gjyqësorit është hapur rruga për plotësimin dhe krijimin brenda muajve të ardhshëm të institucioneve të qeverisjes së sistemit të drejtësisë.?,-theksoi ai.

Gramoz Ruçi e vuri në dijeni Michael Roth për përkushtimin dhe arritjet e Shqipërisë në luftën kundër korrupsionit, krimit të organizuar dhe trafiqeve, ecurinë e reformës zgjedhore dhe përpjekjet e maxhorancës për të bërë të mundur ndërtimin e një proces bashkëpunues e produktiv me opozitën për kurorëzimin e reformës, si edhe përpjekjet dhe rezultatet në dekurajimin e kërkesave të pabazuara të qytetarëve shqiptarë për azil.

Ndërsa, ministri gjerman Ministri Roth vlerësoi arritjet e reformës në drejtësi, si një reformë e suksesshme.

Ai e cilësoi partneritetin mes dy vendeve si e shumë të rëndësishëm funksion të procesit të integrimit europian te Shqipërisë.

?Qëndrimi i Politikës së Jashtme Gjermane, vazhdon të mbetet mbështetës për Shqipërinë në rrugëtimin e saj drejt integrimit në BE, duke vënë theksin te realizimi i reformave.?-u shpreh ai.

Roth shprehu gjithashtu keqardhjen për mos anëtarësimin e Kosovës në INTERPOL./CNA.al