web counter
LEXO PA REKLAMA!

SHKARKO APP

App Store
Google Play

Publikoi pasurinë e Edi Palokës/ Gazetari inkurajon deputetin ta padisë

1 Shkurt 2019, 21:33, Aktualitet CNA

Pasi  ka publikuar ditën e sotme në gazetën ?Shqiptarja.com?një shkrim lidhur me pasurinë e poseduar nga deputeti i PD-së, Edi Paloka, njëherësh dhe nënkryetar i Parlamentit , autori i shkrimit, gazetari Adriatik Doçi, ka reaguar nëpërmjet një statute. Ku i kthen përgjigje deputetit Paloka që në përgjigje ka deklaruar se do të ngrejë padi në gjykatë.

?Mora vesh se, nënkryetari i PD Edi Paloka do të më hedhë në gjyq mua dhe gazetën Shqiptarja.com, median pranë së cilës unë punoj, me pretendimin se një artikull mbi pasurinë e tij, i botuar sot, është shpifje?, – kumton Doçi, i cili më tej vijon:

?Së pari, artikulli është shkruar nga unë me përgjegjësi të plotë morale dhe profesionale.

Së dyti, reagimi i Palokës, ku thotë se do të na hedhë në gjyq, përmban shpifje të pastra dhe llum, si natyra e politikës shqiptare në përgjithësi, por unë për vete nuk do ta hedh në gjyq për këtë gjë, për arsyen e thjeshtë se nuk dua t?i vendos një çmim dinjitetit tim.

Së treti, artikulli mbi pasurinë e tij është i bazuar në dokumente zyrtare, është i vërtetë në frymë dhe në çdo germë. Një nga 6 shtëpitë e ka blerë me 40 milionë lekë të vjetra dhuratë nga babai.

Së katërti, sa për kujtesë, Edi Paloka është dënuar dy herë nga gjykata me vendim të formës së prerë, njërën nga të cilat, për shpifje. Është dënuar nga Gjykata e Lartë, me vendim nr. 8, datë 05.06.2015, për shpifje, parashikuar në nenin 120/2.

Është dënuar nga Gjykata e Tiranës, me vendim nr 10, datë 12.01.2001, për veprën penale të organizimit të manifestimeve të paligjshme, parashikuar në nenin 262/1.

Është arrestuar nga Policia e Tiranës në flagrancë, në datën 29.11.2000, me akuzën e parashikuar në nenet 262/1 dhe 236/2 të Kodit Penal.

Së pesti, një padi e mundshme nga Edi Paloka (shpresoj ta mbajë fjalën) më nderon si dhe pasuron larminë e gjyqeve të fituara ndaj gjyqtarëve, deputetëve dhe ish-ministrave.?





Lajmet e fundit nga