E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Grushte mes prokurorëve/ Zbardhet pasuria e prokurorit që u rrah nga shefi

1 Shkurt 2019, 11:21, Aktualitet CNA

Reforma në Drejtësi ka hyrë në një fazë tejet të rëndësishme. Procesi i Vettingut ka nxjerrë jashtë loje dhjetra gjyqtarë e prokurorë

Në 2018, vit gjatë së cilit nisi procesi i rivlerësimit kalimtar, 42 gjykatës e prokurorë u konfirmuan në detyrë, ndërsa 35 të tjerë u shkarkuan, pasi jo vetëm nuk justifikuan pasurinë, por kishin lidhje edhe me eksponentë të krimit të organizuar.

Edhe këtë vit procesi i Vettingut ka nisur me ritme të shpejta, ndërsa lista me subjektet që do t? i nënshtrohen këtij procesi është përgatitur që vitin e kaluar.

CNA.al ka raportuar për të gjithë gjyqtarët dhe prokurorët që kanë kaluar në këtë proces, por edhe për të tjerë, që në ditët në vijim do të dalin para KPK-së.

Këtë radhë, raportimi do të jetë për drejtuesin e Prokurorisë së Dibrës, Shkëlzen Cena.

Ky i fundit, është bërë objekt në media më vitin 2011, kur është rrahur me ish-Kreun e Prokurorisë së Kukësit, Xhevahir Lita.

Mediat kanë raportuar se se Lita është përleshur me prokurorin Shkëlzen Cena, i cili në atë kohë punonte në Kukës. Për pasojë Cena, kishte pësuar dëmtime në fytyrë dhe për këtë arsye kishte proceduar me kallëzim penal ndaj shefit të tij.

Ngjarja u raportua se kishte ndodhur në një restorant të njohur në Kukës, ku dy prokurorët ishin takuar rastësisht.

Sipas mediave sherri mes dy prokurorëve kishte ardhur pas një debati të ashpër në telefon mes prokurorit Cena dhe Lita, ku ky i fundit e akuzonte ish-vartësin e tij se po fliste keq për atë poshtë e lartë në takime dhe me njerëz të ndryshëm.

Më pas kjo bisedë telefonike ka degjeneruar në sharje,fyerje dhe grushta mes tyre.

Prokuroria e Përgjithshme që drejtohej nga Ina Rama, pati nisur verifikime për rastin por se cili ka qenë përfundimi nuk është bërë publik.

Ndërsa sa i përket pasurisë, prokurori Cena, burim të vetëm të ardhurash ka nga paga e tij dhe e bashkëshortes.

Deklarimet e pasurisë ndër vite

Në vitin 2003 ka deklaruar një banesë 1+1 me vlerë 500 mijë lekë, pagën e tij si prokuror në Kukës dhe të bashkëshortes si mësuese.

Në vitin 2004 ai ka deklaruar një apartament 1+1 në Kukës po me vlerë 600 000 lekë si dhe pagën e tij dhe të bashkëshortes.

Në vitin 2005 ai ka deklaruar pagën dhe shpërblimet.

Në vitin 2006 ai ka deklaruar pagën dhe një automjet që kushton 400 000 lekë. Gjithashtu ka deklaruar se ka marrë një kredi konsumtore me vlerë 59 600 lekë dhe një kredi për blerje apartamenti në shumën 100 000 lekë.

Në vitin 2007 ai ka deklaruar ka rikonstruktuar apartamentin në Kukës me 800 000 lekë, si dhe pagën e shpërblimet.

Në vitin 2008 ai ka deklaruar pagën dhe kreditë e deklaruara më herët.

Në vitin 2009 ai ka deklaruar se ka shitur automjetin, pagën e tij e të bashkëshortes si dhe një kredi të marrë nga bashkëshortja 320 000 lekë.

Në vitin 2010 ka deklaruar një autoveturë volsvagën në vlerën 100 000 lekë, pagat dhe kreditë.

Në vitin 2011 ka deklaruar pagën e tij e të bashkëshortes dhe kreditë.

Në vitin 2012 ai ka deklaruar njësoj si vitin e mëparshëm.

Në vitin 2013 ai ka deklaruar pagat dhe kreditë.

Në vitin 2014 ai ka deklaruar pagën dhe kreditë.

Në vitin 2015 ai ka deklaruar kursime në shumën 200 000 lekë, një makinë të bashkëshortes në shumën 500 euro, ka marrë me qira një shtëpi banimi në shumën 15.000 lekë në muaj.

Në vitin 2016 ai ka deklaruarkursime 200 000 lekë si dhe llogarinë rrjedhëse në shumën 130 000 lekë./CNA.al