web counter
LEXO PA REKLAMA!

SHKARKO APP

App Store
Google Play

E fundit!

x

Ish-ministrja e Integrimit “shuplakë” Ramës/ Zbulon pengesën për negociatat

22 Janar 2019, 13:00, Aktualitet CNA

Ish-ministrja e Integrimit në qeverinë ?Rama 1?, Klajda Gjosha në një deklaratë për mediat ka hedhur akuza të forta në drejtim të kryeministri Rama.

Në një deklaratë për mediat, deputetja e LSI, Klajda Gjosha akuzoi Ramën se ka vënë interesat e tij personale para atyre të shqiptarëve.

Sipas Gjoshës, pengesa kryesore për hapjen e negociatave me BE, është vetë kryeministri Rama.

?Kryeministri Rama ka zgjedhur konfliktin në vend të dialogut. Ka zgjehdur interesat e tij personale, para interesave europiane të Shqiptarëve. Integrimi në BE është objektivi më madhor i shqiptarëve, ndërsa pengesa e vetme për këtë është Edi Rama?-tha Gjosha.

Më tej, deputetja Gjosha tha se LSI do të refuzojë çdo axhendë të errët që është kundër interesave të shqiptarëve.

?Rama ka zgjedhur gjuhen e memeve vulgare. Por, ne do të mbështesim vetëm axhendën e integrimit dhe do të refuzojmë çdo lloj axhende të errët kundër interesave të shqiptarëve?-tha ndër të tjera deputetja Gjosha.

Deklarata e plotë:

Jam sot këtu në emër të Lëvizjes Socialiste për Integrim për një çështje madhore, prioritetin e çdo prioriteti që është procesi i integrimit evropian të Shqipërisë.

Duke marrë shkas nga deklaratat e komisionerit Hahn, si dhe nga mesazhett e rëndësishme të dhëna sot gjatë ceremonisë së Presidencës rumune nga ambasadori i delegacionit evropian në Shqipëri, Z. Sorecca për dialog konstruktiv mes partive për reformat kyçe, dëshiroj ti bëj thirrje të gjitha palëve politike, se Shqipëria nuk ka më asnjë moment për humbur për çeljen e bisedimeve për anëtarësim.

Qershori është jetë a vdekje për një proces jetik, siç është procesi i integrimit europian.

Lëvizja Socialiste për Integrim, ashtu siç është shprehur edhe nëpërmjet rezolutës që u miratua në Konventën Kombëtare, është e gatshme të bëjë çdo sakrificë për të çuar përpara këtë aspiratë të çdo shqiptari. Sfidat që kemi përpara nesh, si vazhdimësia e Reformës në Drejtësi me zgjedhjen e Kryeprokurores së Përgjithshme, ngritjen e Gjykatës Kushtetuese dhe Gjykatës së Lartë, ngritjen e SPAK-ut dhe Byrosë së Hetimit, Reforma Zgjedhore dhe eliminimin e shitblerjes së votës, kërkojnë përgjegjshmëri të lartë politike si detyrim ndaj qytetarëve shqiptarë.

Konstatojmë se Kryeministri i Shqipërisë, ka zgjedhur konfliktin në vend të dialogut, ka zgjedhur provokimin në vend të komunikimit dhe interesat dhe prioritet të tjera dhe jo ato evropiane dhe euroatlantike.

Është e qartë për të gjitha shqiptarët që procesi i integrimit europian dhe objektivi madhor i çeljes së negociatave kanë vetëm një pengesë që është Kryeministri, i cili ka zgjedhur në vend të platformave dhe objektivave të integrimit, gjuhën e memeve vulgare.

LSI do vazhdojë me këmbëngulje të pandryshuar të mbështesë vetëm një axhendë, atë të integrimit europian dhe të refuzojë axhenda të tjera të errëta.

Sot është dita që çdo politikan, çdo parti politike qoftë opozitë apo qeveri, të dalë mbi interesat e ngushta dhe të vërë përpara çdo gjëje të ardhmen e Shqipërisë dhe të shqiptarëve, të cilat janë të lidhura pazgjidhshmërisht me Europën./CNA.al





Lajmet e fundit nga