web counter
LEXO PA REKLAMA!

SHKARKO APP

App Store
Google Play

E thotë Monika/ Opozita e Bashës zjarrfikëse e protestave

16 Janar 2019, 19:19, Aktualitet CNA

Pak çaste më parë kreu i PD-së, Lulzim Basha, paralajmëroi rikthimin e opozitës tek protestat popullore për të rrëzuar qeverinë Rama.

I thenë nga Basha paralajmërimi tingëllon qesharak, pasi të njejtën paralajmërim ka dhenë Basha edhe të tjera herë, kur jo vetëm nuk e ka ndezur dot zjarrin e protestave masive por ka fikur edhe ato flakë që kanë qenë të ndezura.

Me kontributim e Lulzim Bashës u fik protesta e banorëve të Kukësit për tarifën e ?Rrugës së Kombit?, sikurse u shua edhe flaka e protestës studentore, sapo Lulzim Basha bëri thirrje për të kthyer atë në kauz të opozitës. Drejt po të njejtës rrugë po shkon edhe ajo e banorëve të Astirit e Unazës së Madhe, ku drejtojnë emisarët e Bashës?

Nisur nga ky rendimet në një publikim të bërë ditë më parë CNA.al e ka akuzuar Lulzim Bashën se ka një pakt për të mbajtur në qeverisje Edi Ramën, pasi merret vesh shumë mirë me të për të përfituar kontribute financiare etj.

Për këtë rol të tijin CNA.al e etiketonte Bashën ?zjarrfikës të protestave?, gjë që e ka konfirmuar sot edhe kryetarja e LSI-së Monika Kryemadhi, kur nga  nga salla e Parlamentit ka deklaruar se në ditët e ardhëshme LSI nuk do të shërbejë si ?zjarrfikëse e protestave?.

 ?Shumë shpejt do të mblidhemi dhe do kemi axhendën. nuk është çështje bojkoti se nuk ke çfarë të bojkotosh. Opozita është bashkë. Do të njiheni shumë shpejt jo vetëm me axhendën por dhe me grupet e strukturat. S?ka nevojë më për protesta masive. Ke me qindra studentë, familje, minatorë, naftëtarë. Opozita nuk do të jetë më zjarrfikëse dhe të fikë më zjarrin e protestës por do të vihet në krye të protestave. Çdo njeri që i jep oksigjen këtij hajduti psikik është tradhtar?,- u shpreh Kryemadhi./CNA.al





Lajmet e fundit nga