web counter
LEXO PA REKLAMA!

SHKARKO APP

App Store
Google Play

E fundit!

x

Meta i përgjigjet "dhëmb për dhëmb" Ramës/ Nuk ka fuqi në botë që i bën shantazh presidentit

11 Janar 2019, 08:42, Aktualitet CNA

Mosdekretimi i Gent Cakaj në krye të ministrisë së Jashtme,  ka sjellë përplasje të  ashpra mes presidentit Meta dhe kryeministrit Rama.

Në një postim në rrjetet sociale, Meta shkruan se nuk ka fuqi në botë që mund ti bëjë presion  e shantazh presidentit.

Me tone të ashpra Ilir Meta thotë se ai që kërcënoi Dritan Zaganin, komisarin e Fushë Krujës, ka kërcënuar edhe Presidentin e Republikës.

Më tej, Meta thekson se interesi kombëtar është para të gjithave.

?Ai që guxoi të kërcënojë komisar Zaganin pse denoncoi bashkëpunimin e trafikantëve të drogës me pushtetarët, ai që guxoi të kërcënojë nënkomisarin e Fushë-Krujës pse hetoi dhunimin e një vajze nga djali i një deputeti, ai që guxoi të kërcënojë një profesor të nderuar vetëm pse i shkruajti një letër Presidentit të Republikës në mbrojtje të interesit kombëtar, ai që kërcënon çdo ditë gazetarë e pronarë mediash, ai që kërcënon prokurorë e gjyqtarë, ai që kërcënon opozitarë dhe dëshmitarë, ai që urdhëron falsifikimin e letrave të tenderave e deri tek dokumente të sigurisë kombëtare bëri gabimin fatal të kërcënojë edhe Presidentin e Republikës së Shqipërisë në mënyrë të drejtpërdrejtë. Nuk ka fuqi në botë t’i bëjë presion e shantazh Presidentit të Republikës së Shqipërisë. Nuk ka Gjykatë Kushtetuese në botë që ndalon e interpreton kompetencat që i jep Kushtetuta e Republikës së Shqipërisë, Presidentit, për emërimin e shkarkimin e ministrave e në veçanti të atyre që janë anëtarë të Këshillit të Sigurisë Kombëtare. Interesi kombëtar i pari! Shqipëria e Para!?-shkruan Meta në postimin e tij.





Lajmet e fundit nga