web counter
LEXO PA REKLAMA!

SHKARKO APP

App Store
Google Play

E fundit!

x

Krijimi i ushtrisë/ Serbia po përgatit trazira në Kosovë

6 Janar 2019, 10:15, Aktualitet CNA

Organet shtetërore të Serbisë kanë përgatitur shkaktimin e incidenteve në Kosovë në mesin e komunitetit serb, me qëllim fajësimin e shqiptarëve dhe destabilizim të rajonit.

Burime të RTK bëjnë me dije se e gjithë kjo vjen pas alarmit në Serbi për shkak të votimit në Kuvend për formimin e ushtrisë së Kosovës.

Raportohet se shërbimet sekrete serbe kanë shtuar përpjekjet për shkaktimin e incidenteve në Kosovë, pas formimit të ushtrisë së Kosovës, gjë e cila vërtetohet edhe nga komunikimi i një zyrtari serb të strukturave të sigurisë me familjen e tij, ku iu ka thënë që të mos dalin në vende ku ka shumë njerëz sepse së shpejti mund të ndodh një rast i ngjashëm si ai i ?Panda? para disa vjetëve, ku u vranë disa të rinj serbë.

Bëhet me dije se plani i Serbisë për destabilizimin e rajonit është dekonspiruar nga organet e sigurisë në Kosovë.

Kujtojme se Serbia ka reaguar e acaruar pas formimit të ushtrisë së Kosovës, ku deklaratat shkuan aq larg sa kryeministrja serbe, Ana Brnabic, madje tha se Serbia mund ta bëjë gati ushtrinë për ndërhyrje në Kosovë nëse Kosova formon ushtrinë./CNA.al





Lajmet e fundit nga