web counter
LEXO PA REKLAMA!

SHKARKO APP

App Store
Google Play

E fundit!

x

Këshillat Studentor marrin vendimin/ Ja çfarë do ndodhë me protestat

28 Dhjetor 2018, 13:52, Aktualitet CNA

Këshillat Studentorë kanë reaguar dy ditë pas vendosjes së ?Paktit për Universitetin?, të cilin e konsiderojnë si sipërfaqësor dhe që nuk përmbush kërkesat e tyre.

Në një deklaratë për mediat, Këshillat e Studentëve janë shprehur se pas mbledhjes që kanë bërë dhe analizimit të situatës pas përgjigjes së qeverisë, kanë dalë në këto përfundime, të cilat i rendisin në katër pika.

?Në kuadër të diskutimeve dhe pas prezantimit të paktit për universitetin nga ana e qeverisë, Këshillat Studentorë u mblodhën dhe analizuan situatën dhe përgjigjet ndaj kërkesave tona.

Si rrjedhojë dolëm në konkluzionet e mëposhtme:

Pakti për Universitetin i prezantuar nga qeveria nuk i përmbush kërkesat e studenteve, madje tenton të japë zgjidhje sipërfaqësore dhe jo konkrete.

Këshillat Studentorë së bashku me grupet e interesit po punojnë për ngritjen e një platforme të qartë e cila do të paraqesë problematikat dhe zgjidhjet e mundshme sa më të shpejta bazuar në 8 kërkesat fillestare. Kjo platformë do të zyrtarizohet në fillim të janarit së bashku me studentët dhe në media.

Vlerësojmë vullnetin e mirë të Kryeministrit, nisur nga presioni i vazhdueshëm i studentëve për ndryshimet në qeveri edhe pse ky vendim nuk e shmang përgjegjësinë direkte të Kryeministrit për situatën në vënd.

Studentët do të jenë në mbështetje të çdo proteste që nuk ka prapavije partiake, nisur që nga sot me protestën e thërritur nga diaspora?-shkruhet në deklaratën e Këshillave Studentorë./CNA.al





Lajmet e fundit nga