web counter
LEXO PA REKLAMA!

SHKARKO APP

App Store
Google Play

E fundit!

x

Qeveria e tatëpjetës/ Drejtorë hajdutë bëhen ministra

28 Dhjetor 2018, 10:44, Aktualitet CNA

Kryeministri Edi Rama njoftoi në mbledhjen e Asamblesë  Kombëtare të PS, ndryshimet në kabinetin qeveritar. Ndryshime të pritshme dhe të paralajmëruara.

Kryeministri largoi ministrat me 5 vite në detyrë, dhe solli disa emra të rinj, të paktën siç pretendohet prej tij,  por në fakt janë shumica pjesë e kabinetit të tij qeveritar. Ministrja e Arsimit, ajo e Infrastrukturës dhe Energjitikës, ministri i Jashtëm, ministrja e Financave kanë mbajtur detyra të rëndësishme në kabinet. Pa folur për Blendi Cucin që u largua pak kohë më parë dhe u rikthye apo Elisën e doganave.

Rama ka firmosur kabinetin e tatëpjetës në qeverisje. Ai ka futur në qeveri Elisa Spiropalin, që e shkarkoi nga doganat dhe në PS tregojnë barcaleta me 5 milionë apo 10 milionë dollar, pa folur për dështimin e saj në zgjedhjet e fundit parlamentare në zonën e Kolonjës.

Belinda Balluku do drejtojë një institucion të rëndësishëm si infrastruktura dhe energjitika ku do cojë tenderat në vlerën 100% ashtu sic bënte tek ATNA, apo abuzime të tjera të cilat shpesh janë theksuar në media.

Anila Denaj është një tjetër drejtoreshë që do zëvendësojë një ministër.

Mos harrojmë Shalsin dhe premtimin e tij se do vidhte ndryshe.

Erjon Brace është qershia mbi tortë i kryeministrit, në fakt fasadë revolucionare që nuk e ndihmon dot Ramën në tatepjetën e tij.

Ndryshimet që Rama i ka bërë thjesht dhe vetëm për të larguar nga opinioni publik disa ministra të cilët kanë qenë të shumë përfolur, por nga ana tjetër ka sjellë një tufë më drejtorë dhe ish-drejtorë hajdutë të zëvendësojnë ministrat e tij.

Tatëpjeta nuk po ndalet tek Rilindja, që zëvendëson ministrat e akuzuar me drejtora hajdutë./ CNA.al





Lajmet e fundit nga