E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Destinacionet e preferuara! Ja ku i festuan Krishtlindjet të famshmit shqiptarë!

26 Dhjetor 2018, 09:25, Lifestyle CNA

Krishtlindjet trokitën dje edhe në dyert e personazheve të njohur të ekranit shqiptar!

Disa i kanë gjetur vigjiljet e Krishtlindjeve në ambientet e ngrohta familjare, ndërsa të tjerë shumë larg shtëpisë.

Olta Gixhari i tha ?bye? Shqipërisë këto Krishtlindje dhe shkoi në Madrid për të festuar. Aktorja bukuroshe shqiptare ka publikuar disa foto dhe video të aventurave të saj në Madrid, bashkë me mikeshën e ngushtë.

Fotot e saj ?nga Spanja me dashuri? na bënë mjaft xhelozë!

Gazetarja Ilva Tare i ka pritur Krishtlindjen në shtëpi, pranë familjes së saj. Mbrëmë Ilva Tare ka vendosur të publikojë një foto të ngrohtë familjare për të uruar ndjekësit dhe miqtë e saj në Instagram. Ilva ka postuar në Instagram kartolinën familjare duke treguar kështu për herë të parë portretin e plotë të vajzës dhe djalit.

Ardit Gjebrea dhe familja e tij kanë festuar Krishtlindjet në qytetin e bukur të Korçës, ku dje në mbrëmje nuk munguan as reshjet e dëborës.

Me serenata korçare nga Klajdi Haruni dhe borën që zbardhi qytetitin, Arditi dhe veçanërisht Anna e vogël, u kënaqën pa masë.

Luana Vjollca ka lënë Tiranën për Krishtlindje dhe i është bashkuar partnerit të saj Krenar Çoçaj në Prishtinë për të festuar me të. Moderatorja e njohur është fotografuar krah të dashurit të saj në Katedralen Shën Nënë Tereza në Prishtinë. Vigjilja e Krishtlindjeve, e ka gjetur bashkë çiftin, pas kaq shumë kohësh që i ishin shmangur kamerave.

Alketa Vejsiu ka gjurmuar një vend me borë për të bërë ski për Krishtlindje! Moderatorja shqiptare ka publikuar disa video dhe foto në Instastory, por pa etiketuar destinacionin. Megjithatë jemi të sigurt se ndodhet diku nëpër Europë!

Kryeministri Edi Rama i ka pritur Krishtlindjet me familjen e tij në shtëpi. Rama ka publikuar një video në Instagram, për të treguar harmoninë festive në familjen e tij, në vigjilje të Krishtlindjes.

Në video shfaqet Zaho duke dhuruar një melodi të këndshme si për të na treguar se ka mjaft talent në muzikë.

Ndërkohë, Vesa Lumën e ka gjetur vigjilja e Vitit të ri në Zvicër. Këngëtarja ka udhëtuar atje për të mbajtur një koncert, ndërsa kthimi për në Kosovë tek i biri Lian, është bërë një ditë më pas.

Vesa na ka dhuruar disa pamje fantastike të Zvicrës së zbukuruar për festa, që janë thjesht mahnitëse.