web counter
LEXO PA REKLAMA!

SHKARKO APP

App Store
Google Play

Vjen dorëheqja e radhës në Superiore/ U mund sot nga Kukësi, largohet trajneri durrsak

23 Dhjetor 2018, 14:48, Aktualitet CNA

Trajneri i Kastriotit, Stavri Nica, lë drejtimin e Kastriotit. Veterani i stolit ka folur më në fund, ka shpërthyer në akuza, ndaj lojtarëve të tij dhe ndaj klubit Kastrioti, që sipas Nicës nuk ofron kushte për të punuar normalisht, si profesionist.

Për emisionin “Gol pas goli” në Supersport Nica foli për të gjitha, duke mos duruar më…

“E shoh që lojtarët nuk janë të impenjuar, sidomos të huajt, të cilët nuk kanë shumë mundësi për të vijuar në Superiore. Shoh një ftohje, mosimpenjim, çorganizim, në stërvitje e në ndeshje. Janë shumë detaje që më detyrojnë të mos jem më pjesë e kësaj mënyre pune, e kësaj skuadre, sepse nuk e kam në karakter që skuadra të sillet si të dojë, të pësojë gola kur të dojë, të impenjohet kur të dojë.

“Jam shumë i mërzitur, nuk shoh perspektivë. Nuk sakrifikoj veten për lojtarë tekanjozë, pa kushte stërvitore. Niveli i skuadrës është shumë i ulët, nuk funksionon ana profesionale dhe pastaj vijnë të tjerat, ana financiare e me radhë. Nuk mund të rri e të joshem nga rroga e të jem pjesë e këtij niveli.

“Më mirë të qëndroj në fukarallëkun tim, nuk do punoj kurrë me këto metoda pune, me lojtarë jo profesionistë, shumë të ulët, lojtarë të huaj që përtojnë të luajnë. Dje një prej tyre nuk doli në stërvitje, imagjinoni çfarë derexheje. Kjo më bën që të largohem, jemi në nivel diletantësh. Nuk mund të gënjejmë veten, kush do, le të vazhdojë kështu, por duken stadiumet bosh, flasin vetë”.





Lajmet e fundit nga