web counter
LEXO PA REKLAMA!

SHKARKO APP

App Store
Google Play

Një herë Gjushi, një herë Gazi/ Një herë Rama, një herë Luli

21 Dhjetor 2018, 11:35, Aktualitet CNA

Prurja më e fundit e Kuvendit Kombëtar të Partisë Demokratike, e trumbetuar si fitore e Lulzim Bashës dhe Bashkimi i PD-së, është zgjedhja e Gazmend Oketës në Këshillin Kombëtar.

Dikur ministër i Sali Berishës, i larguar nga Partia Demokratike pasi dogji Bamir Topin, i cili në fakt e kishte vendosur dhe në postin e ministrit me influencën e tij tek Sali Berisha, Gazmend Oketa, ish.zvkryeministër u largua dhe zgjodhi të ishte me Bamirin në krah të Edi Ramës, edhe në zgjedhjet e vitit 2013, duke djegur disa mandate Partisë Demokratike, edhe në vitin 2015, edhe në vitin 2017.

Për një periudhë të caktuar ka qënë kryetar i FRD-së dhe disa muaj më parë ai deklaroi tërheqjen e tij përfundimtare nga politika.

Pasi Luzim Basha dështoi me intrigat e tij për t?ju hedhur hi syve demokratëve, për një bashkim për të shitur në treg ndonjë personalitet apo figurë që ishte larguar pas përplasjeve me të, gjeti Gaz Oketën. Ish-kreun e FRD-së, aleatin e Bamirit, të larguar nga politika disa muaj më parë.

Në foton e sjellë nga CNA.al, Gazmend Oketa shfaqet në krah të Bamir Topit, në fushatën e zgjedhjeve të vitit 2015, duke mbështetur kryebashkiakun e Durrësit, Vangjush Dako.

Tashmë që Oketa është kthyer në PD pritet që bashkë me të, të kthehet edhe Bamiri. Rruga për të duket e hapur dhe Luli kërkon të bëjë një zgjidhje teknike.

Një herë Gjushi kryetar bashkie, një herë Gaz Oketa kryetar Bashkie, si një kandidat i mundshëm për Durrësin. Një herë Edi Rama, e më pas kur të ikë ai të shkojë Lulzim Basha.

Kjo pritet të jetë skema e tij, por ende nuk është konfirmuar se cili do të jetë roli i Bamir Topit në këtë skemë. Por, ajo që është e sigurtë është fakti se pollarët, topllarët etj, Lulzim Basha i ka shumë qejf sepse i shkojnë pas isos së tij dhe i përdor për interesa të momentit në politikë dhe më pas i hedh në kosh. Por, në fakt duket se ka gjetur varkën e gabuar për të shpëtuar./ CNA.al





Lajmet e fundit nga