web counter
LEXO PA REKLAMA!

SHKARKO APP

App Store
Google Play

E fundit!

x

Përkeqësimi i motit/ Ministria e Mbrojtjes paralajmëron institucionet vendore

17 Dhjetor 2018, 18:28, Aktualitet CNA

Ministria e Mbrojtjes ka njoftuar sot se institucioneve vendore u është kërkuar që të marrin masa për problemet që mund të vijnë si pasojë e motit të keq.

Shtimi i reshjeve të shiut dhe ulja e temperaturave sidomos në zonat malore, gjë e cila pritet të jetë dhe në ditët në vijim, ka bërë që  me porosi të Drejtorit të Përgjithshëm të Emergjencave Civile në Ministrinë e Mbrojtjes, Haki Çako, t?i kërkohet prefektëve të qarqeve, drejtuesve të bashkive, drejtuesve dhe institucioneve qendrore në nivel rajonal dhe vendor, të marrin masa urgjente.

Prefektëve të qarqeve u kërkohet të marrin masa duke vënë në dispozicion të gjitha kapacitetet e tyre njerëzore dhe teknike dhe sasitë e mjaftueshme të kripës, dhe të skorieve etj, për të ndërhyrë në pastrimin e rrugëve nga dëbora, eleminimin e ngricave në rrugë, pastrimin e rrugëve nga inertet dhe gurët që mund të bien në rrugë.

Atyre u është kërkuar që të bashkëpunojnë edhe me strukturat e Policisë së Shtetit, ARRSH, OSHEE, për një menaxhim dhe qarkullim normal të automjeteve në akset rrugore, veçanërisht të atyre që kryejnë transportin e nxënësve dhe mësuesëve për në shkolla dhe anasjelltas.

Po ashtu në njoftimin e Ministrisë së Mbrojtjes theksohet se duhet të punohet për eleminimin në kohë të defekteve në furnizimin me energji elektrike të komunitetit, objekteve social-kulturore, spitaleve, hidrovorëve.

Ndërsa nga strukturat e emergjencave civile pranë Administratës së Prefektit, si dhe pranë bashkive është kërkuar të rrisin angazhimin maksimal, për zbatimin e detyrave, me qëllim që të shmangen pasojat negative të padëshiruara për komunitetin dhe mjedisin./CNA.al





Lajmet e fundit nga