E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Sërish protesta në Paris/ Jelek verdhët nuk ndalen

15 Dhjetor 2018, 15:27, Aktualitet CNA

Megjithë thirrjet e autoriteteve franceze për qetësi, qindra protestues u mblodhën sërish sot tek Harku i Triumfit dhe marshuan drejt bulevardit të famshëm të Parisit, Champs Elysees. Mbi 8 mijë policë ishin mobilizuar sot në të gjitha rrugët kryesore të kryeqytetit dhe në stacionet e trenave. Policia përdori sërish gazin lotsjellës në përpjekje për të ndalur marshimin e ?jelekëve të verdhë?.

Në Paris pati një prezencë të fortë të policisë që në orët e para të ditës, ndërsa zhvillohej protesta e ?jelekëve të verdhë?. Autoritetet bënë thirrje në mënyrë të përsëritur për qetësi, pas protestave të dhunshme të fundjavave të mëparshme.

Policia vendosi njësitë e saj në të gjitha stacionet e trenave dhe ngriti pika kontrolli përgjatë rrugëve kryesore. Megjithatë, qindra protestues filluan të marshojnë që në mëngjes drejt Champs Elysees.

?Mendoj se Macron është i shkëputur nga realiteti i kërkesave të ?jelekëve të verdhë?. Mendoj se duhet të vazhdojmë të ngremë zërin, pasi tani që edhe bashkitë kanë mbyllur dyert, këtu mbetet i vetmi vend ku mund të dëgjohet zëri i popullit francez?, thotë Julie Verrier, protestuese nga Picardie.

?Po luftoj për të gjallët, për popullin, dhe jo për kuletën. Sepse mendoj se kjo botë është e kalbur dhe korruptuar. Macron mund të thotë çfarë të dojë, por ai ka marrë fund tashmë… Është një manipulator. I ka mësuar mirë frazat për fjalimet e tij. Nuk ka asnjë gram sinqeriteti. Prandaj nuk e duam?, thotë Sylvain Rabant, protestues nga Haute-de-Savoie.

Policia u përpoq të bllokonte lëvizjen e protestuesve, të mbledhur fillimisht në Harkun e Triumfit, drejt bulevardit qendror Chams Elysees. Të gjitha dyqanet përgjatë bulevardit të famshëm janë tashmë të mbyllura dhe dritaret janë mbuluar për t?u mbrojtur nga protesta. Autoritet njoftuan se të paktën 8 mijë policë dhe autoblinda të shumta ishin dislokuar në rrugët e kryeqytetit. Edhe sot policia u pa të përdorte gazin lotsjellës dhe njësitë e ndërhyrjes së shpejtë u panë duke shpërndarë protestuesit./voa