web counter
LEXO PA REKLAMA!

SHKARKO APP

App Store
Google Play

E fundit!

x

Skandal me listat e Këshillit Kombëtar të Lulzim Bashës

14 Dhjetor 2018, 20:33, Aktualitet CNA

Nesër pritet që Lulzim Basha të thërrasë Kuvendin Kombëtar të Partisë Demokratike, për t?i dhënë formën finale Republikës së tij të Re, partisë së tij personale të familjes, kunatit.

Këtë e ka reflektuar qartazi me listat që ka shpallur sot.

Basha ka luajtur me listat e Kandidatëve të Këshillit Kombëtar, për të gënjyer militantët dhe opinionin publik.

Këtë Basha e bëri duke rikandiduar të gjithë listën e Këshillit Kombëtar, ç’ka nuk është aspak e vërtetë, sepse shumica e personave të kandiduar janë një pjesë kundërshtarë të hapur të Lulzim Bashës dhe refuzues të tij.

Përdorimi i emrit të tyre, rikandidimi është thjeshtë një lojë e neveritëshme e kreut të PD-së, i cili kërkon të konfirmojë të gjithë aksionin e tij.

Përtej kësaj nga rreth 350 emra që janë në listë, për rreth 150 vende, Basha ka përdorur edhe një truk tjetër. Ai në listë ka futur disa persona, që janë punonjës pranë kompanive të familjarëve të tij, të cilët pritet të jenë anëtarë të Këshillit Kombëtar.

Përveç punonjësve ka edhe të afërm të tjerë që kanë lidhje të drejtëpërdrejta me njerëzit, që punojnë pranë kompanive të familjarëve apo kandidatëve të Lulzim Bashës.

Përdorimi i partisë për interesa të familjes tashmë është bërë diçka e qartë dhe këtë Basha nuk mund ta harronte edhe me Këshillin e ri Kombëtar të PD-së.

Nesër pritet të mblidhet Kuvendi, i cili do të nxjerrë një Këshill Kombëtar, që në fakt ashtu si i pari duket se nuk do t’i vlejë askujt.

Kjo sepse për gati 4 vjet Këshilli i ri Kombëtar nuk është mbledhur asnjëherë, e asnjëherë nuk ushtroi funksionet e tij.

Pra nesër Basha do bëjë spastrimet e tij të fundit duke zgjedhur familjarët dhe kë të mund më parë, vetëm për të siguruar godinën e Republikës së Re, që ai po ngre mbi rrënojat e Partisë Demokratike./ CNA.al





Lajmet e fundit nga