web counter
LEXO PA REKLAMA!

SHKARKO APP

App Store
Google Play

Meta ktheu buxhetin/ Braçe: Fshihen qëllime të tjera mbrapa

13 Dhjetor 2018, 16:13, Aktualitet CNA

Kryetari i Komisionit të Ekonomis njëkohësisht edhe Deputet i Partsië Socialiste, Erion Braçe ka komentuar sot kthimin e buxxhetit të vitit 2019 nga presidenti Ilir Meta.

Nga studio e emisionit ?45? në Report TV, deputeti socialist nuk tha asgjë nëse qeveria do ta rrëzonte dekretin e presidentit Ilir Meta.  Deputeti socialist deklaroi se ligji është derguar vetëm ditën e djeshme në Presidencë, ndërkohë që Meta ndodhet jashtë vendit dhe sot u shpreh duke e rikthyer.

E ndërsa thotë këtë Braçe ngre pyetjen sesi e shqyrtoi Meta kaq shpejt buxhetin duke vendosur rikthimin e tij.

?Kam një pyetje kush President? Ku është dekreti i Presidentit? Ky është njoftim për shtyp. Ligji për buxhetin e shtetit të vitit 2019 është dorëzuar dje paradite i zbardhur nga Kuvendi, datë 12.12.2018. Këtu nuk është firma e Presidentit. Ky shtet nuk është serioz. Ligji është dorëzuar dje. Tani kam dy gjëra; Presidenti është larguar dje nga vendi, ndërkohë që ky dokumentet është dorëzuar, Presidenti nuk ka qenë në zyrë. Kjo tregon mungesë serioziteti.?-tha ai.

Deputeti i PS-së e quajti këtë veprim të presidentit mungesë serioziteti dhe që sipas tij reflekton qëllime partiake.

Presidenti nuk është në Shqipëri, si e ka shqyrtuar? Kjo një pyetje akoma më e madhe se firma. Ligji është dorëzuar dje, ai nuk ka qenë në zyrë. Si e mori informimin për buxhetin e arsimit të lartë Nuk ka. Vendimi reflekton qëllimi të pastra partiake. Nuk e kam hallin fare te firma apo dekretimi në mungesë. E kam hallin në mungesë totale të shqyrtimit, nëse gjërat dekretohen pa u shqyrtuar, kjo është fatkeqësi e madhe për këtë vend.?-deklaroi deputeti Erion Braçe./CNA.al





Lajmet e fundit nga