web counter
LEXO PA REKLAMA!

SHKARKO APP

App Store
Google Play

Basha “thikë pas shpine” studentëve/ Këshilltari i PD zbulon skandalin

11 Dhjetor 2018, 11:45, Aktualitet CNA

Kryetari i Partisë Demokratike, Lulzim Basha ka reaguar sot në lidhje me protestën e studentëve. Në një postim në rrjetet sociale, Basha shkruante se ?Ndryshimi në arsimin e lartë fillon me shfuqizimin e ligjit të arsimit të lartë dhe dyfishimin e buxhetit të arsimit.?.

Por, pas këtij postimi ka reaguar këshilltari i djathtë në Bashkinë e Tiranës, Fabian Topollaj.

Në një postim në faqen e tij në rrjetet sociale, Topollaj shkruan se studentët nuk e kanë me Ramën, por me të gjithë bashkëpunëtorët e tij.

Më tej, Topollaj thekson se Basha duhet të përgjigjet se pse nuk e dërgoi ligjin në fjalë për ta anulluar në Gjykatën Kushtetuese, ndërkohë që i kishte të gjitha mundësitë.

Për më tepër, Topollaj shkruan se ishte vetë ai që kishte përgatitur dy materiale me argumenta për ta hedhur poshtë ligjin në fjalë, por që Basha nuk e dërgoi kurrë në Kushtetuese.

?Studentet nuk e kane vetem me Ramen por me te gjithe bashkepunetoret e tij.

Sot Basha perseriti qe do te anulloje ligjin e arsimit te larte nese vjen ne pushtet, por nuk shpjegoi pse nuk perdori mundesine qe i jepte Kushtetuta opozites parlamentare per ta goditur ligjin ne Gjykate Kushtetuese edhe pse ka pasur ne kohen e miratimit te ligjit vetem nga une 2 materiale te pergatitura me argumenta te bollshem kushtetues per anullimin e tij.?-shkruan Topollaj.

Më tej, Topollaj thekson se tashmë ka përfunduar afati ligjor për kundërshtimin e këtij ligji në Gjykatë.

?Sot kjo mundesi nuk ekziston me, sepse ka kaluar afati i kundershtimit te ketij ligji ne Gjykate.
Kjo eshte arsyeja qe sot studentet nuk e pranojne opoziten zyrtare ne protesten e tyre dhe e konsiderojne ate njesoj fajtore per situaten. Lufta e opozites duhej te qe bere ne kohen e miratimit te ligjit te arsimit te larte, sot opozita formale eshte jashte kohe….?-përfundon postimin e tij Topollaj./CNA.al





Lajmet e fundit nga