E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Profesori kërkesë studentëve/ Jeni forca e këtij vendi, mos u ndalni

9 Dhjetor 2018, 11:27, Aktualitet CNA

Profesori Agron Gjekmarkaj në një shkrim të tij e ka quajtur protestën e studentëve si ngritjen ndaj dështimeve të 28-viteve.

Gjekmarkaj ka kërkuar që protesta të mos ndalet dhe ta rrëzojë këtë sistem.

?Kjo nuk është një protestë për kushte ekonomike, por shumë më tepër se kaq, është protestë për dështimet 28-vjeçare, jo si zhgënjim nga liria, por protestë për vjedhjen e lirisë. Kjo protestë nuk duhet të ndalet. Ajo duhet të rrëzojë këtë sistem. Ajo duhet të synojë kapitullimin e arrogancës së qeverisë me PPP-të me 20 milionë euro për kilometër dhe arrogancën e mosndryshimit të opozitës.?- shkruan ai.

Profesori thekson se kjo lëvizje duhet t?i largojë partitë politike nga vendi dhe të krijojë shpresë për të ardhmen.

?Lëvizja, e cila po rrëfen fytyrën e një Shqipërie që i plas shpirti, duhet t?u dërgojë mesazhin partive politike, që deri tani janë asete private, të shndërrohen në asete publike ose të shporren dhe vendin e tyre ta zënë risitë e një shoqërie që kërkon ndryshim me ngulm që do të jetojë në këtë vend me shpresë dhe jo të ikë pasi politika po ua vret atë.?-shprehet analisti.

Me shpresë ai shkruan se protesta e studentëve na hapi sytë dhe na krijoj një model si duhet vepruar.

?Ndoshta pretendojmë shumë nga studentët, mbase asnjë nga këto që s?do kenë sukses nga dëshira e madhe për t?i sabotuar dhe ruajtur statuskuonë si formë sundimi e tribalizmi, por gjithsesi protesta e tyre emancipuese theu një digë dhe krijoji një model. Kuptuam që një gjë e re është e mundur.?- vijon shkrimin e tij gjekmarkaj.

Në fund analisti i këshillon studentët, asaj shtrese të popullsisë siç i quan ai të paprekur ng interesi, të shkojnë të protestojnë para Kryeministrisë e të këmbëngulin për të ardhmen e tyre.

?Një këshillë për miqtë studentë: Shkoni te Kryeministria për të protestuar. Kjo klasë politike ia dorëzoi vendin anarkisë, trafikut, kanabisit dhe cubat i bëri bimbash e sadrazem, ndaj protesta është dhe do të mbetet e vetmja terapi. Studentët ende nuk janë në kontakt me botën e interesit dhe të manipulimit, fatmirësisht nuk e njohin as pushtetin e frikës dhe të joshjes, thjesht vuajnë pasojat e tyre. Ndaj mbeten të vetmit si komponentë shoqërorë që mund të ngrihen dhe të ngjallin ?të vdekurit? e të marrin shoqërinë nga pas.?- mbyll shkrimin e tij profesori./CNA.al