E fundit!

11:46 Aktualitet

Balla, pyetje publike protestuesve

Kreu i Grupit Parlamentar të PS-së, Taulant Balla, u është...

Agron Gjekmarkaj e thotë hapur/ Studentët nuk po protestojnë vetëm për tarifat

9 Dhjetor 2018, 11:02, Aktualitet CNA

Profesori Agron Gjekmarkaj në një shkrim të tijin është shprehur se prej dy ditësh Shqipëria jeton mes befasisë dhe shpresës.

? Befasi, sepse propaganda e qeverisë kishte krijuar iluzionin qe këtu nuk kundërshton askush, që opozita është e dobët, që shoqëria miraton arrogancën, teksa pushteti deliron çdo ditë. Ky mit u rrëzua.

Shqipëria zien sepse fëmijët e saj nuk kanë asnjë perspektivë, duket sikur shpresa, e cila mban gjallë çdo individ apo komunitet është vrarë. Këtë e ka bërë politika me kastën e saj sunduese, të majtë dhe të djathtë?, – komenton ai më tej në shkrimin e tij.

Gjekmarkaj shkruan më tej se studentët nuk janë ngritur në protestë vetëm kundër tarifave të larta.

?Me dëshirën për sundim dhe dalldinë për korrupsion, me rrethin e tyre familjar, me servilët dhe idiotët sahanlëpirës, ku të gjithë së bashku kanë krijuar një rreth vicioz. Në këtë vend, dija, shkolla, puna e dinjiteti përçmohen! Studentët e ndiejnë këtë kur shohin deputetë në Kuvendin e Shqipërisë, kryebashkiakët dhe drejtorët, apo zaptuesit e demokracisë në universitete. Studentët e kanë kuptuar këtë. Ata nuk janë ngritur thjesht për tarifa?, – vazhdon ai.

Profesori thotë se studentët kanë sjellë në Tiranë varfërinë dhe zemërimin e familjeve të tyre dhe ata nuk janë vetëm të varfër, por edhe të vjedhur.

?Ata sjellin në Tiranë varfërinë dhe zemërimin e familjeve të tyre. Por siç shkruanin në parullat e tyre, ata nuk janë vetëm të varfër, por të vjedhur. Po, të vjedhur në përditshmëri, në dinjitet, në mundësi, në shanse të barabarta, në konkurrencë, në përfaqësim, në dëshira. Ato i ka uzurpuar kasta në Tiranë dhe në rrethe me fëmijët e tyre, të cilët iu plasin me fytyrë bashkëmoshatarëve tenderat e baballarëve, pushtetin e tyre që ndjell nënshtrim e servilizëm. Vërtet magjike teksa sheh se si fryhen e mbushen rrugët, duke u derdhur në shtratin e protestës?, – nënvizon Agron Gjekmarkaj në shkrimin e tij./ CNA.al