web counter
LEXO PA REKLAMA!

SHKARKO APP

App Store
Google Play

Revoltohet ish-presidenti/ Akuza të forta Ramës

26 Nëntor 2018, 13:57, Aktualitet CNA

Ish presidenti i Shqipërisë, Bujar Nishani, ka komentuar deklaratat e kryeministrit Rama gjatë aktiviteteve zyrtare midis qeverisë shqiptare dhe kosovare ditën e sotme në Pejë.

Në një postim në rrjetet sociale, Nishani e konsideron skandaloz dhe vulgar fjalorin e përdorur atje nga kryeministri Rama.

? Jo thjesht djallëzore, por e turpëshme dhe e dënueshme ishte pjesa përmbajtësore e tezave të këtij kryeministri, qoftë në raportet Shqipëri-Kosovë, qoftë në kontekstin rajonal. Fjalimet dhe deklaratat e Kryeministrit të Shqipërisë ishin fund e krye një retorikë pa asnjë objektiv të qartë, pa asnjë raportim të angazhimeve të mëparshme në sa e sa takime e vizita të ndërsjellta.? ,-shkruan Nishani.

Sipas ish-presidentit, gjëja me  e rëndë ishte vijimi i tentativave nga Kryeministri i Shqipërisë për të fshehur praktikat destabilizuese të Serbisë ndaj Kosovës dhe gjithë rajonit në tërësi.

?Kryeministri i Shqipërisë, nga Peja, më shumë sulmoi dhe lëshoi fyerje ndaj Bashkimit Evropian se sa denoncoi dhe dënoi qëndrimet ekstremiste dhe hegjemoniste të Serbisë mbi Kosovën e mbi të gjithë Rajonin. Këtë herë, ky kryeministër shkoi ne Pejë për të shpallur Europën si armike të Kosovës dhe Serbinë si partnere të mundëshme strategjike të Shqipërisë ! O tempora ! O mores !?,- përfundon Nishani postimin e tij./ CNA.al





Lajmet e fundit nga