web counter
LEXO PA REKLAMA!

SHKARKO APP

App Store
Google Play

E fundit!

x

Anulimi i testimit/ Emri i Ardi Veliut në Prokurori

16 Nëntor 2018, 21:46, Aktualitet CNA

Pas skandalit me provimin e Policisë së Shtetit, i cili u anullua pas evidentimit të kopjes, të gjithë personat që janë marrë me organizimin dhe mbarëvajtjen e testimit për gradën komisar në Policinë e Shtetit janë nën hetim.

Tv Klan raporton se Shërbimi për Çështjet e Brendshme dhe ankesat referoi në Prokurori një kallëzim për shpërdorim detyre pasi gjatë zhvillimit të testimit janë gjetur shkelje të rënda procedurale.

Sipas kallëzimit, veprimet do t?i verifikohen të gjithë zinxhirit drejtues të Policisë, si anëtarë të komisionit të gradave.

Mësohet se komisioni përgjegjës për organizimin e konkursit përbehej nga vetë drejtori i Përgjithshëm i Policisë së Shtetit, Ardi Veliu, zëvendësja e tij përgjegjëse për kufirin Aida Hajna, drejtori i akademisë së sigurisë, Bilbil Mema dhe Sokol Bizhga e Ali Allaraj.

Shërbimi për Çështjet e Brendshme dhe Ankesat ka gjetur shkelje në anulimin e testimit të parë të kryer me 7 Nëntor.

Testimi i zhvilluar në ambientet e akademisë së policisë u monitorua nga afër nga drejtues të lartë të Policisë së Shtetit dhe anulimi i tij ka ngritur dyshime se shkaku nuk është ai që thuhet nga policia.

Konkurrentët iu nënshtruan një testi me alternativa të cilat korrigjoheshin nëpërmjet një pajisjeje elektronike të quajtur ?skadron? dhe përgjigjja merrej brenda ditës. Sindikata e policeve e ka quajtur arbitrar vendimin e Ardi Veliut.

Konkursi ishte vendosur te mbahej me 15 Nëntor, por 470 efektivet që garojnë për 133 grada komisar, as nuk u futen në sallat e testimit për shkak të riformatimit të pyetjeve dhe procedurës së zhvillimit të testit.





Lajmet e fundit nga