web counter
LEXO PA REKLAMA!

SHKARKO APP

App Store
Google Play

E fundit!

x

Video-E kërcënuan me jetë/ Agim Bajko u përgjigjet dhëmb për dhëmb ekstremistëve grek

14 Nëntor 2018, 16:20, Aktualitet CNA

Organizata ekstremiste greke e quajtur ?A.T.A.K?, shpërndau një listë, ku ishin të shkuar 64 emra shqiptarësh që shumë shpejt do të ekzekutoheshin brenda territorit shqiptar.

Në këtë listë ishin të shkuar emra deputetë, gazetarë dhe njerëz publik. Midis tyre ishte dhe emri i gazetarit Artan Hoxha dhe ai i aktorit Agim Bajko.

Bajko drejton emisionin ?Bypass Show? dhe në këtë të fundit është publikuar një video, në të cilën redaksia e këtij emisioni i kundër përgjigjet organizatës terroriste.

?Të dashur terroristë të ATAK. Keni publikuar një deklaratë që ne në shqip i themi trakt, Por ne si Bypass kemi disa paqartësi të cilat ju lutem na i shpjegoni.

Ju thoni se do vrisni 64 vetë, ku të dytin në listë keni vënë Agim Bajkon e emisionit tonë. Qëllimi juaj është të rrëzoni Ramën por Shpëtim Idrizin e kërcënoni sepse po bashkëpunon me PD-në për të rrëzuar Ramën; ndërsa deputetit Dritan Bici i këshillohet se po të bashkëpunojë me ATAK, do ta përjashtoni nga lista.

Së pari, ndajeni mendjen, a e doni apo nuk e doni kryeministrin Rama, sepse një herë thoni se doni ta rrëzoni, pastaj fusni në listë Shpëtim Idrizin që kërkon të rrëzojë Ramën?

Së dyti, ju lutem na sqaroni nëse do ta nisni nga fillimi apo nga fundi ekzekutimin e listës, që ta dimë se kur do të na vijë radha?

Së treti, që ne të shpëtojmë nga Ataku juaj, ju lutemi të na trajtoni si deputetin çam të Elbasanit. Në traktin tuaj keni vënë vetëm detyrat që i ngarkoni deputetit, Dritan Bici, ku thoni se ai mund të bëjë përjashtim nëse bën ato që i thoni ju. Edhe ne mund të bashkëpunojmë me Ju, mjafton që të na bëni të qarta detyrat dhe planet operacionale.

Nga ana tjetër si shpërblim na fusni dhe ne të përfitojmë ca fonde si himara.gr se duket se kriza greke nuk e ka prekur organizatën tuaj. Në traktin tuaj përmenden edhe të dashurat e filoshqiptarëve në Greqi. Ne theksojmë se të dashura nuk kemi në Greqi ende, por ato janë në vende të Bashkimit Evropian, ku rrezja juaj e hetimit ndoshta nuk arrin dot. Po na organizuat njohje aty tek ju, jemi të hapur.

Mbetemi në pritje të udhëzimeve te mëtejshme që Bypass Show t?ju ndihmojë sa më mirë. Këtë përgjigje quajeni thjesht një kundërsulm ndaj Atakut tuaj. Pa nderime, Bypass Show?, – thuhet në këtë video.

Lista me 64 emrat e shqiptarëve që do të ekzekutohen u publikua nga ?himara.gr?, pas ceremonisë mortore të 35-vjeçarit Konstantinos Kaçifas./ CNA.al





Lajmet e fundit nga