E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

50 euro policit për të kaluar në Schengen/ Si e pëson i riu

13 Nëntor 2018, 08:39, Aktualitet CNA

Në kuadër të goditjes së paligjshmërisë, Policia Kufitare e Rinasit bën me dije se ka arrestuar një 18-vjeçar nga Burreli, pasi ka tentuar të korruptojë policin kufitar në Rinas.

Në pranga ka përfunduar i riu me inicialet J.R, të cilit i ishte refuzuar dalja nga Shqipëria për në zonën Shengen, por për të kaluar i ka ofruar punonjësit të policisë kufitare 50 euro.

Gjithashtu në njoftimin e policisë thuhet se në drejtim të parandalimit të azilkërkimit, u është refuzuar dalja 88 shtetasve të cilët nuk plotësonin kriteret për të lëvizur në hapësirën Schengen.

Gjatë dy javëve të fundit në Rinas nga Policia Kufitare janë kapur 4 persona në kërkim për vepra të ndryshme penale për llogari të DVP-ve.

Janë proceduar penalisht 6 shtetas me dokumente të falsifikuara

12 shtetas të proceduar për kalim të paligjshëm kufiri

1 shtetas për mosdeklarim të hollash në kufi 1 rast

Si dhe janë përpunuar në hyrje dhe dalje 74 759 shtetas shqiptarë dhe të huaj.

Nga shërbimet e Policisë Kufitare Rinas u arrestua në flagrancë për veprën penale ?Korrupsioni aktiv i personave që ushtrojnë funksione publike? parashikuar nga neni 244 të Kodit Penal, shtetasi: J. R.,18 vjeç, lindur në Burrel-Mat.

Arrestimi i këtij shtetasi u bë për arsye se shtetasi J. R., pasi i është refuzuar dalja nga Republika e Shqipërisë nga punonjësit e PKK Rinas, ka shkuar sërish të sportelet e daljes dhe ka tentuar të korruptojë punonjësen e Policisë Kufitare të planizuar me shërbim në këto sportele, me një shumë prej 50 euro, me qëllim që punonjësja e policisë ta lejonte shtetasin J.R. të kalonte kufirin në drejtim të shtetit të Belgjikës, siç edhe kishte prerë biletën e udhëtimit, në kundërshtim me rregullat për udhëtimin në hapësirën Schengen.

Materialet i kaluan Prokurorisë së Rrethit Gjyqësor Tiranë për veprën penale ?Korrupsioni aktiv i personave që ushtrojnë funksione publike? parashikuar nga neni 244 i Kodit Penal.