web counter
LEXO PA REKLAMA!

SHKARKO APP

App Store
Google Play

E fundit!

x

Thirrjet anti-shqiptare në Bularat/ Bushati: Mos bini në kurthin e tyre

10 Nëntor 2018, 18:40, Aktualitet CNA

Ministri për Evropën dhe Punët e Jashtme, Ditmir Bushati gjatë një takimi në vijim të turit të Llogaridhënies së drejtuesve të pushtetit vendor në bashkinë e Malësisë së Madhe ka folur edhe për ngjarjen e Bularatit, ku gjatë varrimit të 35-vjeçarit Konstandinos Kaçifas u lëshuan thirrje anti-shqiptare.

Për Bushatin vendimi i djeshëm i Ministrit të Brendshëm për të shpallur ?non grata? 52 qytetarë grekë, të cilët kanë shkelur ligjin dhe Kushtetutën shqiptare, rendin kushtetues me deklaratat dhe veprimtarinë e tyre në Shqipëri është një vendim i mbështetur në Kushtetutë, ligj dhe në praktikën ndërkombëtare që aplikon çdo vend.

?Ne jemi duke e trajtuar këtë çështje me seriozitetin maksimal për të kuptuar në radhë të parë shkallën e përfshirjes edhe të elementëve të tjerë pavarësisht statusit që ato kanë, sepse siç dihet në atë ceremoni kanë marrë pjesë jo vetëm qytetarë të zakonshëm por edhe njerëz me status zyrtar?, – ka vazhduar ai më tej.

Ndër të tjera gjatë fjalës së tij ministri Bushati ka theksuar se do të ndiqen të gjitha procedurat ligjore dhe ato diplomatike, në lidhje me këtë ngjarje.

?Aty ku rasti e do për të ndjekur një procedurë diplomatike e sigurt është që tolerancën tonë nuk ka pse e merr askush për dobësi. Ne nuk duhet assesi të biem në kurthin e ekstremizmit sepse përkeqësimi i marrëdhënieve apo rënia në këtë lloj kurthi nuk i shërben miqësisë ndërmjet dy popujve tanë?, – ka përfunduar ai./ CNA.al





Lajmet e fundit nga