web counter
LEXO PA REKLAMA!

SHKARKO APP

App Store
Google Play

Rehabilitimi i argjinaturës së Vjosës/ Xhaçka: Standard i ri për parandalimin e emergjencave

7 Nëntor 2018, 18:39, Aktualitet CNA

Forcat e Armatosura në bashkëpunim me Bashkinë e Fierit po forcojnë argjinaturën e lumit Vjosa, duke rehabilituar në pak javë 3.5 kilometrat e parë.

Lajmi u bë i ditur nga vetë ministrja e Mbrojtjes, Olta Xhaçka, e cila inspektoi sot nga afër punmet që po kryhen për forcimin e argjinaturave të lumit Vjosa, në Ferras.

Teksa inspektoi punën që po bëhet ministrja theksoi, se projekte të tilla jo vetëm reduktojnë faturat e mëdha në raste emergjencash, por në të njëjtën kohë vendosin një standard të ri në parandalimin e pasojave që mund të sjellë moti i keq.

?Zbatimi i këtij projekti, i cili në kushte të tjera do të kishte kushtuar miliona euro, falë profesionalizmit dhe përkushtimit të FA do të kushtojë shumë herë më pak. Ka ardhur koha, tha ajo, që nën shembullin e Fierit dhe të këtij projekti të mirë koordinues mes të gjithëve ne, të vendosim një standard të ri në menaxhimin e emergjencave përmes nismave që parandalojnë pasojat motit të keq, u shpreh ministrja Xhaçka. .

Pasi inspektoi argjinaturën e kanalit të Martinë, Xhaçka vuri  në dukje punën e bërë nga forcat e ushtrisë dhe emergjencat civile, ndërkohë që ka kërkuar prej tyre monitorimin e situatës në çdo moment.

?Vërejmë një tendencë të shumë prej strukturave vendore që nuk e bëjnë siç duhet monitorimin e vazhdueshëm të territorit në juridiksionin e tyre, nuk bëjnë vlerësime të sakta për shkallën e emergjencës, si dhe nuk reagojnë në kohë me kapacitetet e tyre, por gjejnë rrugën më të shkurtër, duke thirrur për ndihmë Forcat e Armatosura?, theksoi Xhaçka./ CNA.al





Lajmet e fundit nga