web counter
LEXO PA REKLAMA!

SHKARKO APP

App Store
Google Play

Rama ndërroi fjalimin e ashpër kundër Metës/ Zbulohet arsyeja  

6 Nëntor 2018, 20:27, Aktualitet CNA

Në një shkrim botuar në gazetën ?Koha Jonë?, thuhet se kryeministri Edi Rama në mesnatë ka ndërruar fjalimin që kishte pregatitur për Presidentin Ilir Meta, pasi ky i fundit e kishte sfiduar hapur se do të shkonte në Kuvend të tregonte arsyet pse nuk e dekretoi Sandër Lleshin, ministër të Brendshëm.

Sipas burimeve të gazetës së Nikoll Lesit, Rama kishte pregatitur një fjalim të ashpër kundër Metës, por Gramoz Ruçi dhe deputetë të PS-së e kanë këshilluar të zbutet, pasi Metës nuk kanë çfarë t?i bëjnë, sepse e njeh mirë debatin, duelin dhe politikën, pasi që në vitin 1992 në atë parlament.

?Kryeministri Rama ishte përgatitur për një fjalim shumë të ashpër, këtë të martë, në Parlament kundër Presidentit Meta. Burime shumë konfidenciale tregojnë se kryeministri kishte në skenar që pas fjalës së tij të dilnin, gjoja të revoltuar, disa deputetë në foltoren e Kuvendit ku do të sulmonin Presidentin duke i kërkuar Gramoz Ruçit fillimin e procedurës për shkarkimin e Presidentit Meta, ndonëse nuk i kanë numrat, sepse duhen 93 deputetë me Kushtetutë. Por i gjithi ishte një skenar i thurrur për publikun, duke i bërë presion Ilir Metës.

Ndërkohë të njëjtat burime tregojnë se ka qenë fillimisht Gramoz Ruçi e më pas disa deputetë që e kanë këshilluar kryeministrin se betejën juridike dhe politike, njëkohësisht, me Presidentin e kemi të humbur, aq me tepër që vetë Presidenti kishte kërkuar ti sfidonte mu në sallën e Kuvendit. Presidenti kishte kërkuar që të shkonte në Kuvend dhe ti sqaronte e të përgjigjej çdo pyetje të deputetëve. Por kjo do të ishte lojë e rrezikshme për mazhorancën, duke ditur se Ilir Meta e njeh mirë debatin, duelin dhe politikën sepse ka që në vitin 1992 në atë parlament?,-shkruhet ndër të tjera./ CNA.al





Lajmet e fundit nga