web counter
LEXO PA REKLAMA!

SHKARKO APP

App Store
Google Play

Plaçkitja e Prokurorisë së Durrësit/ Gjykata shtyn hetimet

2 Nëntor 2018, 17:51, Aktualitet CNA

Gjykata e Durrësit ka shtyrë hetimet për vjedhjen e dokumenteve dhe serverave brenda Prokurorisë së këtij qyteti, ngjarje kjo e ndodhur më 25 maj të këtij viti.

Kërkesa është bërë nga dy prokurorët e çështjes Drini Pali dhe Pali Decolli. Shkak për kërkesën e tyre është bërë mungesa e analizës biologjike nga laboratori, për gjurmët e gishtave në një kaçavidë, e cila konsiderohet edhe prova më e fortë që ka në dorë Prokuroria. Sipas kësaj të fundit, shkak për vonesën është bërë një defek në laboratorin shkencor.

Në kaçavidë janë zbuluar gjurmët e gishtave të dy të arrestuarve Artus Isa, 49 vjeç, banues në Sukth dhe Besnik Bushi 54 vjeç, banues në Durrës, që të dy me precedentë të mëparshëm penalë. Ndërkohë në lidhje me ngjarjen është arrestuar edhe roja i godinës, 56 vjeçari Njazi Lena.

Mësohet gjithashtu se mbrojtja ka kërkuar ekspertë, për të verifikuar gjurmët e Bushit, në kapakun e një kasetë të energjisë elektrike, ekspertizë kjo e cila është shtyrë deri më tani.

Të arrestuarit për ngjarjen, kanë mohuar akuzat ndaj tyre, madje janë shprehur se nuk e njohin njëri-tjetrin. /CNA.al





Lajmet e fundit nga