web counter
LEXO PA REKLAMA!

SHKARKO APP

App Store
Google Play

E fundit!

x

Nuk ka paqe për Adriatik Llallën/ Zbardhen të tjera detaje nga dosja e prokurorisë

2 Nëntor 2018, 08:07, Aktualitet CNA

Të tjera detaje kanë dalë në dritë nga dosja e prokurorisë në lidhje me hetimin ndaj ish-kryeprokurorit Adriatik Llalla.

Ai po hetohet për: fshehje pasurie, pastrim parash, shpërdorim detyre dhe mosdeklarim të të ardhurave në kufi. Arsyeja që hetohet për fshehje pasurie është se vetingu dhe ILDKP e kanë gjetur me pasuri të pajustifikuar. Për pastrim parash po hetohet pasi ka blerë shumë prona lirë dhe i ka shitur shtrenjtë. Ndërsa për shpërdorim detyre dyshohet se ka pasur abuzime me një tender.

Gazeta Sot, shkruan se prokuroria dhe autoritetet e tjera përgjegjëse kanë zbuluar se ish-kryeprokurori ka kaluar në kufi rreth 60 mijë euro cash, e cila pretendohet nga organi i akuzës se është në shkelje të ligjit. Sipas ligjit, nuk lejohen më shumë se 10 milionë lekë të vjetra me vete në kufi. Por ish-kryeprokurori në argumentet e tij në ankimimin që bëri në Apel, ka deklaruar se paratë i ka kaluar në disa sasi brenda limitit që lejon ligji.

Po ashtu Llalla ka shpjeguar se paratë kanë shkuar për shkollimin e fëmijëve jashtë vendit. Por prokuroria ka ngritur dyshime mbi arsyet se përse nuk janë bërë transferta përmes bankave dhe paratë janë dhënë në gjendje cash. Po ashtu mësohet se po kryhet një hetim nëse Llalla i ka deklaruar këto para që i zotëron cash apo janë para të tërhequra nga banka dhe më pas kanë kaluar në rrugë tokësore?/ CNA.al





Lajmet e fundit nga