web counter
LEXO PA REKLAMA!

SHKARKO APP

App Store
Google Play

Thirrja urgjente/ Akuza të rënda Prelës dhe Markut

26 Tetor 2018, 09:37, Aktualitet CNA

Kreu i opozitës, Lulzim Basha ka lëshuar akuza të rënda në drejtim të Prokurores së Përgjithshme të Përkohshme, Arta Marku dhe Drejtueses së Krimeve të Rënda, Donika Prela.

Në një postim në rrjetet sociale, kreu i opozitës është shprehur, se kryebashkiaku i Durrësit, Vangjush Dako duhet të merret i pandehur pasi pranoi mbrëmë në studion e ?Opinion?, bashkëpunimin me bandat për të dhunuar zgjedhjet.

Sipas Bashës, Prela dhe Marku po shkatërrojnë provat për Dakon, ashtu siç po bëjnë për kreun e Grupit Parlamentar të PS, Taulant Balla, Ministrit të Infrastrukturës, Damian Gjiknuri dhe ish-Ministrit të Brendshëm, Saimir Tahiri.

Ndër të tjera Basha ka thënë se këto veprime përbëjnë një krim shumë të rëndë, për të cilin Prela dhe Marku do të mbajnë përgjegjësi.

Postimi i plotë

Tashmë është e qartë për këdo se Edi Rama ka patur një plan të mirëmenduar e të shtrirë anembanë vendit, për bashkëpunim me krimin për të vjedhur zgjedhjet. Duhet urgjentisht një hetim i posaçëm dhe i pavarur për këtë operacion kriminal. Vangjush Dako është i pari që duhet të merret i pandehur. Lënia e tij i lirë edhe pasi pranoi mbrëmë publikisht bashkëpunimin me bandat për të dhunuar zgjedhjet, është shkatërrim i demokracisë dhe vdekje e drejtësisë. Dua t?i kujtoj Donika Prelës dhe Arta Markut se dëmtimi i provave dhe manipulimi i hetimeve për krimet elektorale të Dakos, Ballës, Gjiknurit, Tahirit e të tjerë, është veprim i rëndë kriminal për të cilën ato do të mbajnë shpejt përgjegjësi deri më një. Kur prokuroria mbron krimin, ka rënë shteti. /CNA.al





Lajmet e fundit nga